Форум
Всего тем: 4
Всего сообщений: 2

Интеррнет приемная

Задать вопрос

Ваше имя

Введите символы с картинки

Ваш вопрос

айыл башчы     [16 Января 2019]

Саламатсыздарбы. Мен сиздерден жардам алып жатканыма ыразымын. Ишинерге ийгилик, ден соолукта болгула. Бир чоон маселе болуп жатат. А\О башчысы, жер адиси жана юрист болуп 2015-жылдагы Кыргипрозем кызматкерлери жерлерге инвентаризация жургузгон. Ал жаны картага айылдардагы кийинки салынган кашарлар, таш короолор жана бузулган курулуштар тушурулгон. Жаны карта менен иш боло элек эмнегедир. Жогору жактан уруксаат болбой жатат, дейт. Ал эми кийинки салынган кашарлар, таш короолор жана бузулган курулуштардын ээлери бар. Ээлерине Гипроземден корутунду чыгарып келип беребиз деп 2000 сомдон жыйнап кетишти. Баардыгы 30-40тай заключение болуптур. А\О башчысы, жер адиси жана юрист болуп ал жерлерди кайра кийинки ээлерине токтом чыгарып бере элек. Аукцион кылабыз дейт. Бул жагы мыйзамдуубу? Ушул маселе тууралуу кенениреек маалыматтарды берсениздер жакшы болмок эле. Дегеле бул жерлер тууралуу кандай тепкичте кандай, документациялар даярдалышы керек эле. Алдын ала чоон рахмат.

Ответ:

Урматту айыл башчы, салынган кашарлар, таш короолор жана бузулган курулуштардын ээлери, ошол курулуштарды илгери улуш катары алса, ал курулуштарга аукцион откорулбойт. Ээлери илгерки токтомдорду таап госрегистрден каттатып алышы керек.

Сабыл     [16 Января 2019]

Саламатсыздарбы,жаны жылыныздар менен.Айыл окмот башчысы озу чыгарган буйрукту жокко чыгара алабы.Менин билишимче жокко чыгара албайт.

Ответ:

Урматтуу Сабыл! Айыл өкмөт башчы өзүнүн буйругун өзү жокко чыгара алат, себеби айыл өкмөттүн башчысы кызмат адамы катары өзүнүн чечимдерин, тескемелерин жана буйруктарын жокко чыгаруу укугуна ээ. Эгерде айыл өкмөтүнүн башчысы өзүнүн мыйзамга каршы келген актысын жокко чыгарбаса, анда “ Жергиликтүү өз алдынча башкаруу жөнүндөгү” мыйзамдын 12-беренесине ылайык ал жазыктык жана административдик жоопкерчиликке тартылат. Ал эми прокурордук чара көрүү ( каршылык кат,эскертме, сунуштама) актылары айыл өкмөт башчысынын Конституцияга,кодекске, мыйзамга жана башка ченемдик укуктук актыларга карама-каршы келген чечимин токтото туруу, жокко чыгаруу же күчүн жоготту деп табуу үчүн негиз боло алат. Прокурордук чара көрүү актысы четке кагылган учурда, прокурор сотко кайрылууга укуктуу.

Куршаб онуктуруу фондунун мучосу Нурбек     [14 Января 2019]

Саламатсыздарбы. Биз, Куршаб айылынын жаштары, айылды көтөрүү боюнча демилге көтөруп, Куршаб өнуктуруу фондуну тузгөнбуз. Учурда жергиликтуу жамааттын мучөлөру айыл Өкмөтунө ар кандай көйгөйлөр менен кайрылышат. Ал эми айыл Өкмөту калкка сапаттуу муниципалдык кызмат көрсөтуу боюнча бирдиктуу терезе ыкмасына өтууну көздөп, имаратты ынгайлайлаштыруу жана компьютер менен камсыздоо маселелерин чечкен, эми ишке киргизуу учун программалык камсыздоо жана кызматкерлерди окутуп уйрөтуу маселелерине Өкмоөттук эмес уюмдар тарабынан көмөк көрсөтулушунө таасир беришиниздерди суранабыз.

Ответ:

Урматтуу Куршаб өнүктүрүү фондунун негиздөөчүлөрү. Ушул жыл Өкмөт тарабынан региондорду өнүктүрүү жана цифровизация жылы деп жарыяланды. Ушул демилгелердин алкагында сиз суранган маселе дагы ишке кирет. Сиздердин айылыңарды, эң биринчи пилоттук долбор катары киргизгенге сунуштайын. Сиздер менен байланышабыз.

Бектур     [10 Января 2019]

Саламатсызбы менин суроом томондогучо мен жетекчи болуп иштейм, зам (орун басар) жетекчини укпайт оз алдынча жетекчи болуп жетекчиге баш бергиси келбей журот кандай жол менен кетирсем болот жумуштан статя барбы

Ответ:

Урматтуу Бектур! Эгерде Сиз айыл өкмөтүнүн башчысы болсоңуз, анда сиз шайлануучу кызмат адамысыз, айыл аймагынын жергиликтүү өз алдынча башкаруусунун аткаруу органынын жетекчиси болуп эсептелесиз. Сиздин айыл өкмөт башчысы катары ыйгарым укугуңуз Кыргыз Республикасынын “ “Жергиликтүү өз алдынча башкаруу жөнүндөгү” мыйзамынын 50-беренесинде так көрсөтүлгөн: Анда “Айыл өкмөтүнүн башчысы: 1) айыл өкмөтүнүн ишине жетекчилик кылат жана анын натыйжаларына жооптуу болот жана ошодой эле Кыргыз Республикасынын мыйзамдарына ылайык айыл өкмөтүнүн башчысынын орун басарын, айыл өкмөтүнүн аппаратынын кызматкерлерин кызматка дайындайт жана андан бошотот.” Ушул эле мыйзамдын 51-беренесинде Айыл өкмөтүнүн башчысынын орун басары тууралуу төмөнкүдөй айтылган :.” 1. Айыл өкмөтүнүн башчысынын орун басары ал жок болгон учурда анын ордуна иштейт жана айыл өкмөтүнүн башчысы тарабынан жүктөлгөн милдеттерди аткарат... Айыл өкмөтүнүн башчысына коюлуучу талаптар жөнүндө жоболор бирдей өлчөмдө анын орун басарына да колдонулат... 3. Айыл өкмөтүнүн башчысынын орун басары конкурстун натыйжалары боюнча айыл өкмөтүнүн башчысы тарабынан дайындалган муниципалдык кызматчы болуп саналат. 4. Айыл өкмөтүнүн башчысынын орун басарын кызмат ордунан бошотуу администрациялык кызмат орундарын ээлеген муниципалдык кызматчылар үчүн каралган негиздер боюнча жана тартипте айыл өкмөтүнүн башчысы тарабынан жүзөгө ашырылат. 6. Айыл өкмөтүнүн башчысынын орун басары айыл өкмөтүнүн башчысынын алдында аткаруучу иш-милдети үчүн жооптуу болот.” Андан тышкары Кыргыз Республикасынын “Мамлекеттик жарандык кызмат жана муниципалдык кызмат жөнүндө” мыйзамы жана Кыргыз Республикасынын Өкмөтүнүн 2004-жылды 23 - февралындагы N 91 токтому менен бекитилген “Кыргыз Республикасынын айылдарынын жана поселкаларынын жергиликтүү өз алдынча башкаруу органдарынын кызматкерлеринин типтүү кызматтык нускамаларына”ылайык иш алып барууңуз керек. Урматтуу Бектур, Сиз жетекчи катары орун басарыңызды жумуштан кантип кетирүүнү ойлонбой, кайра тажрыйбасы бар муниципалдык кызматкерди натыйжалуу иштетүүгө аракет жасаңыз. Кыргыз элинде эр чекишпей бекишпейт” –деген кеп бар, экөөңөр акылдашып, сүйлөшүп туруп, “кеңешип кескен бармак оорубайт” дегендей эл үчүн биргелешип жакшылап иштеп беришиңер керек.

Асан кайгы     [6 Января 2019]

Саламатсыздарбы.Жаны жылыныздар менен. Менде суроо:Менчиктештируу убагында айылдын четиндеги сарайды 2 киши жарым жарымдан мамлекеттен сатып алып бироосу сатып салды.Токтому бар экен.Ошол кезде экооно тен токтомдор берилиптир.Бирок бироонун документтери белгисиз себептер менен жоголуп кетет.Рай архивде да обл.архивде.да жок.ошол учурда архивге отпой калгандай.Ал жерди сат деп келип жатат .документ жок сата албай жатат.Канткенде кантип кандай кагаз даярдалат.Ошол ж-до жооп берсениздер.Рахмат

Ответ:

Урматтуу Асан мырза! Сиздин сурооңузга жооп көп этаптан турат. 1. Гос регистрден биринчи саткан кишинин документтеринин арасынан карашыңар керек. Бир токтом эки кишиге жазылып калса, анда ошонун көчүрмөсүн алса болот. Ошол токтом болсо анын негизинде өзүңүзгө каттап, кызыл китеп алып сатсаңар болот. 2. Эгерде андай документ табылбаса, анда сотко кайрылып ошол менчикти соттун чечими менен өзүңүзгө каттасаңар болот. Ал үчүн кошунаңар ушул жер сизге тийиштүү болгонун далилдеп бериши керек, жана төлөгөн салыктардын квитанциялары менен далил келтиришиңер керек.

Айзат Табалдиевп     [2 Января 2019]

Саламатсынарбы менин суроом жолдошум экообуз тен иштебейбиз эки балабыз бар жолок пул ала алабызбы айыл жеринде турабыз документ ер аркылуу уйубуз да жок

Ответ:

Урматтуу Айзат айым! Бул маселени чечиш үчүн өзүңүз жашаган айыл өкмөтүнүн социалдык маселелер боюнча адисине кайрылууңуз керек. Ал адис Сизге мыйзамга ылайык эсептөөлөрдү жүргүзүп, жөлөк пул берилери же берилбеши тууралуу жооп берет. Сурооңузга так жооп алуу үчүн айыл өкмөткө кат жүзундө кайрылсаңыз 14 күндүн ичинде жооп ала аласыз.

Талант     [29 Декабря 2018]

Салам келе жаткан майрамынар менен! А/О депутарына тендирге окуга кантрагын окмоттон толоп берсе болобу

Ответ:

Урматтуу Талант мырза! Сиздин сурооңузга чоң рахмат. Кыргыз Республикасынын Сатып-алуу жөнүндө мыйзамында айылдык аткаруу бийликтин кызматкерлери сертификат алууга милдеттүү, бирок айыл кеңештин депутаттарга сертификат алууга окуу үчүн бюджеттен төлөп бергенге болбойт. Ал эми тендирдик комиссияга мүчө болуп киргенге укугу бар.

Самат     [28 Декабря 2018]

Саламатсыздарбы?!мен жашым 30 га чыгып калды,2 балам бар.Ата-энем,мен да айыл-окмотунон жеке менчик турак-жай салууга жер участогун алган эмеспиз!2014-жылы жерге керектуу документтерди айыл-окмотко таштаганмын,бугунку кунго чейин канчанчы кезекке келгенимди айтпай жатышат!жанды кейиткени ачык болбой жатат жер адисинин иши!Эмне кылышым керек?жардамыныздар керек,РАХМАТ

Ответ:

Урматтуу Самат! Сиз кат жүзүндө айыл өкмөтүнө арыз менен кайрылып, аны каттоодон өткөргөндөн кийин алар 14 күндүн ичинде жооп бериши абзел.

Улан     [25 Декабря 2018]

Саламатсызбы Самыйбек ава.Менде бир суроо; жер АМФЖ чабынды.суу баспайт.Жанында межхоз канал лотоктон суу агып отот. Ал жерди эч ким пайдаланбайт.Айылга инвестор келип коп жылдык осумдук (карагат) остуруп чектерин коруйм насос менен суу чыгарам деп жатат.Сураган жери 15га ,мооноту 49 жыл.Айылдан 4-5 адам жумуш менен камсыздалат.Айыл эли макул.Калган даярдалуучу тиешелуу кагаздарын тизмектеп берсениздер эн соонун болмок.Алдын ала рахмат.

Ответ:

Урматтуу Улан! Силердин айыл өкмөттө АЖМФ жерлерин пайдалануунун 5 жылдык келечек планы болушу керек , ошол планга ылайык иш жүргүзүлөт. Эгерде АЖМФнын келечек планы жок болсо, келген инвестордун арызын алгач айыл өкмөттүн АЖМФ боюнча Жер комиссиясы карап чыгып, бул жер аянтын ижарага берүү шарттарын жана тартибин, анын ичинен төлөмдүн чегин аныктоо үчүн жергиликтүү кеңешке кайрылат. Айыл кеңеш бул маселени сессияда карап, токтом менен шарттарын ( аукцион, конкурс жана түз берүү жолу менен ) бекитип берет. Андан кийин айыл өкмөттүн АЖМФ боюнча Жер комиссиясы токтомду аткарууга киришет. Белгилей кетүүчү нерсе, Сиз атаган 15 га жер аянтын КР Жер кодексинин 7-беренесинин 4-пунктуна ылайык 20 жылдык мөөнөткө ижарага бере аласыңар, бул мөөнөт аяктагандан кийин тараптардын макулдашуусу боюнча жер участогун пайдалануунун мөөнөтү узартылышы мүмкүн.

айыл башчы     [25 Декабря 2018]

Саламатсыздарбы.Менин октябрдагы котельный тууралуу суроомо жооп бергениздерге чоон рахмат.Ошол эле маселени кенешке сунуштасам ал бул деп чогулбай жатат, карап королу ,канча толойт чечели деп эле убакыт созуп жатат. Элдин баары нааразы болуп жатат.Мун.менчикте тургандан кийин 20 жылдан ашуун пайдаланганы учун айыл окмотуно бюджетке Негизи кандайдыр бир акча каражатын толош керек да .Ал толончу акча каражатын кандай жолдор менен ондуро алабыз жана ичиндеги темир тезектерин сатып жибергени учун кандай жоопкерчилик тарттырабыз. Ушул маселени чечууго жардам бериниздер.

Ответ:

Урматуу Айыл башчы! Айыл өкмөтүнүн башчысы пайдалануудан калган от жагуучу жай боюнча маселени карап берүү үчүн айылдык кеңешке кайрылуусу керек, айыл кеңеш алгач туруктуу комиссияларында карап, андан кийин сессияда талкуулап, аталган объектини мындан ары кандай максатта колдонуу тууралуу токтом кабыл алып берет. Ал токтомдо көрсөтүлгөн талаптарга ылайык айыл өкмөтү андан аркы жумуштарды жүргүзөт: мисалы, муниципалдык объект катары каттоодон өткөрөт, конкурс же аукцион аркылуу ижарага берет, келишим түзөт ж.б. Ал от жагуучу жайды колдонуп келген жаран менен колдонуу тууралуу келишим болсо гана төлөттүрүп ала аласыңар, эгерде келишим жок болсо кантип төлөмөк эле. Же сүйлөшүү жолу менен ал жаранды өз калоосу менен төлөп бериши мүмкүн.