Форум
Всего тем: 4
Всего сообщений: 2

Интеррнет приемная

Задать вопрос

Ваше имя

Введите символы с картинки

Ваш вопрос

Улукбек     [6 Декабря 2018]

Саламатсызбы ! Менин суроом томондогучо. Мамлекеттик сатып алуу иштерине, тактап айтканда тендерлик комиссиянын мучолору созсуз турдо айыл окмотунун аппаратынын кызматкерлери болушу керекби? Жергиликтуу тургундардан тендерлик комиссиянын тобунун мучосу болгонго укугу барбы ?

Ответ:

Урматтуу Улукбек, КР мыйзамынын Мамлекеттик сатып алуулар жөнүндө, 10 беренин, 4 пункт. Конкурстук комиссиянын курамына кеминде үч адам кирүүгө тийиш. Конкурстук комиссиянын мүчөлөрүнүн бири ырастоочу сертификаты бар, сатып алуулар боюнча адис болууга тийиш. Сатып алуучу уюмдун сатып алуу бөлүмүнүн бардык адистеринин ырастоочу сертификаты болушу керек. Сатып алуучу уюмдун сатып алуу бөлүмүнүн конкурстук комиссияга кирбеген адистери конкурстун жеңүүчүлөрүн аныктоодо чечим кабыл ала албайт. 5. Сатып алуучу уюмдун жетекчиси сатып алуучу уюмдун конкурстук комиссиясынын курамына кириши мүмкүн. 13-берене. Конкурстук комиссияны түзүү 1. Сатып алуучу уюмдун конкурстук комиссиясы конкурс өткөрүү жөнүндө кулактандырууну жарыялоо алдында буйрук менен түзүлөт. 2. Ырастоочу сертификаты бар, сатып алуулар боюнча адис конкурстук комиссияга бир жолудан ашык кириши мүмкүн, бирок бир эле убакта бир нече конкурстук комиссиянын мүчөсү боло албайт. Тендердик комиссияга жергиликтуу тургундар, жарандык активисттер, айыл кенешинин депутаттары мучосу болгонго укугу бар.

совет     [4 Декабря 2018]

Мындай бир суроо бар, КР жер кодексинде 1996-жылдын 1-июлуна чейин туруктуу жашаган жарандарга жер үлүш берилсин деген жери бар, бирок бизде бироо чарбалык китепте квартирант болуп туруп жер үлүшүн алган . Ушуга жер берилеби же жокпу?

Ответ:

Урматтуу Совет! Ооба, Сиз туура белгилегендей жер үлүшү Кыргыз Республикасынын жарандарына 1996-жылдын 1-июлуна чейин тиешелүү аймакта туруктуу каттоодо тургандарга берилген. Эгер, Сиз сураган жаран чарбалык китепте жазылып каттоодо турган болсо, анда анын жер үлүшүн алууга укугу болгон. Жер реформасы жүргүзүлгөн учурда ал жаран жер үлүш алуучулардын тизмесине киргенин же кирбегенин архивдик документтерден карап көрүү керек. Азыркы күнгө чейин үлүш жерди алуу укугун колдонбой жүрсө, эми жер берилбейт.

Асыранов Жангазы Бакасович     [3 Декабря 2018]

Урматтуу Рита.Саламатсызбы 2018-жылдын 01.12.куну Кыргыз Республикасынын Эмгек жана социалдык онугуу министрилигинен Кыргыз почтасы аркылуу кат келди. Катта сиз биринчи жолку берген маалыматыныздагы корсоткон Мыйзамдуулуктун негизинде жазылыптыр. Сизге чон рахмат, ишинизге ийгилик. Ардайым кенешиниз кенен болсун. Бекмолдо айыл аймагынын кызматкерлердин атынан сизге чын ден-соолук каалайбыз. Урматтоо менен Жангазы.

Ответ:

Иштеринерге ийгилик каалайбыз!!!

Мир     [2 Декабря 2018]

Салам. Менин суроом огород жонундо. Огород сатып алгам, ал огород торт кишиден откон мен бешинчимин. Бирок эч документ жок, токтом да жок, айыл окмотто да жок экен, архивде да жок болуп чыкты, госрегистрга барсам огород айыл окмоттун балансында дейт, кандай кылсам болот кызыл китеп алыш учун?

Ответ:

Урматтуу Мир! Эн кызыктуусу, Сиз кайсы документтердин негизинде турак-жай салууга (огородго) жер участогун сатып алдыныз? Бул жер участогу мамкаттоо билдиргендей муниципалдык менчиктеги жерге кирсе, анда айыл өкмөтү мыйзамга ылайык иштерди жургузушу керек. Мисалы, ал жер участогу жер фондусунун «калктуу конуштун жерлери « категориясына тийиштуу болсо, мыйзамга ылайык кезек менен турак-жай курууга берилет. Эгер жогорудагы категорияга кирбеген жер участогу болсо, ал муниципалдык жер участогу болуусу мумкун, андай жерлерди айыл кенештин макулдугу менен айыл өкмөт аукцион же конкурс жолу менен ижарага бере алат. 2002-2004-жылдары республикада жеке менчикте турган жерлерди системалык каттоо жүргүзүлгөн, ошол жылдары бардык жер участкалары (огороддор) изилденип, тактоолор жургузулгон,чечим-токтомдору жокторго чечимдер чыгарылган. Ошол жылдардагы жерлерге чыккан чечимдер айыл окмотто, маммкаттоодо болушу керек, эгерде ал каттоого кирбей калган жер участогу болсо да айыл өкмөткө арыз жазып кайрылуу зарыл.

Израил     [29 Ноября 2018]

Саламатсыздарбы! Биздин ишканага контрактын негизинде МЧС жумушчу алынган, анын жумушу көп болгондуктан айлык майанасы келишимдин негизинде аз болуп калган, ошондуктан анын майанасын жогорулатту керек, кандай кылып айлык майанасын жогорулаттуу керек?

Ответ:

Урматтуу Исраил! Биринчиден, Сиз айткан ишкана муниципалдыкпы же айыл өкмөттүн аппаратыбы? Эгер айыл өкмөттүн аппаратындагы кызматка контракттын негизинде алынса, анда эмгек акысы жергиликтуу бюджеттен каржыланган. Экинчиден, жергиликтуу бюджеттин киреше бөлүгү чыгаша бөлүгүнөн ашык болсо, же башкача айтканда дотацияда турбаган, өзүн-өзү каржылаган айыл өкмөттөрдөн болсо, анда жыл башында жергиликтүү бюджетти түзүүдө бул кызматкердин эмгек акысын жетиштуу денгээлге жеткидей кылып кароосу зарыл. Анын негиздүүлүгүн айыл кенештин туруктуу комиссияларында, андан кийин сессияда карап бекитип алуу керек.

Анара     [24 Ноября 2018]

Айыл өкмөттүн мөөрүнө жоопкерчилик боюнча ЧУА кайсылар?

Ответ:

Урматтуу Анара! Мөөр иш кагаздарындагы негизги реквизиттердин бири. Мөөрдө ишкананын аталышы, анын укуктук- уюштуруу формасы, катталган дареги, белгилер, символдор ишкананын салык төлөөчү катары идентификациялык номери ж.б маалыматтар так чегерилип жазылат. Мөөргө баарынан мурда ишкананын жетекчиси жооп берет, же ал өзүнүн буйругу менен мөөргө жоопкерчиликтүү адамды дайындайт. Жоопкерчиликтүү адам анын сакталышына жана колдонулушуна жооп берет. Мөөр сөзсуз турдө сейфте сакталуусу керек. Мисалы: айыл өкмөттун башчысы буйругу менен мөөргө болгон жоопкерчиликти жооптуу катчыга бекитип берет, ошондой эле айыл кенештин төрагасы да ушундай буйрук чыгарып жооптуу катчыга жоопкерчиликти бере алат. Кайсы бир учурларда жетекчилердин мөөрдү эч кимге бербей өз жанына алып жургөнүн көрүүгө болот, албетте бул жакшы көрүнүш эмес. Жетекчилер иш ордунда убактылуу жок болгондо же иш сапарга чыккан учурда тийиштуу документтерге мөөр бастыруу учун келген жарандар көпкө кутуп калышы мумкун, бул биринчи кезекте мекемедеги уюштуруу иштеринин кандай жолго коюлганын көрсөтөт. Мөөр тууралуу атайын чыккан ЧУА жок.

Эрнис     [22 Ноября 2018]

Ассаламу алейкум. Айыл окмотундо эки жарым жыл келишим менен жер адис болуп иштеген, конкурска документин жаратпай салды, муниципиалдык жумушка келишим менен иштеген киреби же кирбейби? Ишиниздерге ийгилик.

Ответ:

Урматтуу Эрнис! Кыргыз Республикасынын «Мамлекеттик жарандык кызмат жана муниципалдык кызмат жөнүндөгу» мыйзамынын 31-беренесинде мамлекеттик жарандык кызматчыларды жана муниципалдык кызматчыларды материалдык жүйөлөштүрүү боюнча төмөнкудөй айтылган: «9-пункт. Убактылуу болбогон кызматчынын милдетин аткаруу боюнча эмгек иши мамлекеттик жана муниципалдык кызмат стажына эсептелет, ал эми класстык чендер жана иштеген жылдар болгондо тиешелүү үстөктөр төлөнөт». Демек, ушул иштеген жылдары тууралуу эмгек китепчесине жазылышы керек болчу, ошонун негизинде анын муниципалдык стажы пайда болду десек болот.

Чынгызбек     [22 Ноября 2018]

Саламатсызбы урматтуу Рита Рахмановна! 2016-жылдын 30 майындагы №75 Кыргыз Республикасынын Мамлекеттик жарандык кызмат жана муниципалдык кызмат жөнүндөгү мыйзамынын 3 главасынын 16-беренесине жана Кыргыз Республикасынын Аскердик наамдарды, класстык чендерди, атайын класстык чендерди жана наамдарды белгилөө жөнүндөгү мыйзамына негизинде Чынгызбекге шаар мэриясынын жетектөөчү адиси (запастагы кенже лейтенант) тагыраагы мага муниципалдык кызматтын кенже инспектору чени ыйгарылган. Берилген убактан тарта ушул мыйзамдуубу же мыйзамсызбы деген ойлор менен иштеп келем, сиз жана сиздин команданыз жөнүндө маалымат укканда төөм көккө жети, ишинизге ийгилик!

Ответ:

Урматтуу Чынгызбек, Сизге берилген муниципалдык кызматтын кенже инспектору чени – бул биринчи класстык чен. Ал муниципалдык кызматчынын муниципалдык кызмат ордуна тиешелуу берилет. Сиздин азыркы ээлеген кызмат ордунуз алган ченинизге ылайык келет. Ал эми Сизге кезектеги чен Кыргыз Республикасынын мамлекеттик жарандык кызматчыларына жана муниципалдык кызматчыларына класстык чендерди ыйгаруунун, төмөндөтүүнүн жана ажыратуунун тартиби жөнүндө жобосунун 15-пунктунда көргөзүлгөндөй: «Кезектеги класстык чен кызматчыга мурдагы класстык ченинде кызмат өтөө үчүн белгиленген мөөнөт бүткөндө жана ал ишин баалоонун жыйынтыгы боюнча ошол класстык чен, ага теңдеш же андан жогорку класстык чен каралган административдик кызмат ордун ээлеген шартта ыйгарылат».

BEHERA     [22 Ноября 2018]

Дыйкан чарба, андан кийин мед окуу жайда окуп анан иштесем стажга киреби жана эсептелинеби ?Токтомдору барбы?

Ответ:

Урматтуу Венера! Эгерде Сиз алгачкы жолу эмгек жолунузду дыйкан чарбада иштеп баштаган болсонуз, андан кийин медициналык окуу жайда окуган мезгилиниз-жылдарыныз жалпы эмгек стажына кирет, бирок бул жылдар муниципалдык стаж катары эсептелбейт. Сиз толук маалымат алуу учун КР «Эмгек» жөнүндө кодексин окуп чыгыныз.

Эрнис     [19 Ноября 2018]

Ассаламу алейкум. Улуш жер албай калган айылдын жараны,1986 жылдан баштап Бишкекте жашайт үлуш жер алууга айыл окмотко келиптир, транш менен келгендердин арасында жок. Мыйзамдуу кылып жер берууго мумкунбу? Учету да Бишкекте экен.

Ответ:

Урматтуу Эрнис! Жер үлүшү - Кыргыз Республикасынын Өкмөтү аныктаган тартипте Кыргыз Республикасынын жарандарына берилүүчү айыл чарба багытындагы жер участогу, мындай жер участогу » аталган чарбанын чегинен тышкары иштеген жана жашаган (анын ичинде ушул чарбадан чыккандар), аталган чарбанын аймагына 1996-жылдын 1-июлуна чейин туруктуу жашоого келген жарандар үчүн-чарбалык орточо жер үлүшүнүн өлчөмүндө» болгон ( КР «Кыргыз Республикасынын жер кодексин колдонууга киргизүү жөнүндөгү” мыйзамы 6-берене, 6-пункт). Жер үлүшүн берүү азыркы мезгилде токтотулган, эч кимге берилбейт. Кайрылган жарандын 1994-1996-жылдары жер реформасы жүргүзүлгөн учурда жер үлуш алуучулардын тизмесине киргизилгенин же киргизилбегенин архивдик документтерден карап көрүү керек.