Форум
Всего тем: 4
Всего сообщений: 2

Интеррнет приемная

Задать вопрос

Ваше имя

Введите символы с картинки

Ваш вопрос

deka     [5 Марта 2018]

Правильно ли понимание поправок в закон о МСУ от 16 февраля 2018г. Что оказав недоверие торога, его можно переизбрать большинством голосов, а не две третьих.

Ответ:

Да, норму про необходимость принятия участия в выборах председателя местного кенеша двумя третьми - убрали. Оставив норму что его можно избрать большинством от общего числа депутатов. Если в МК 31 депутат - 16 голосов, 21 - 11 депутатов, 11 - 6 депутатов.

deka     [5 Марта 2018]

Здравствуйте.Может ли один человек быть директором сразу в трех общественных организациях

Ответ:

Одно и то же физическое лицо может быть одновременно учредителем и директором в нескольких общественных организациях. Запрета на это законодательство не содержит.

Байзак     [2 Марта 2018]

Саламатсыздарбы? Бизде айылда кочолорго ат кою талаш тартыш журуп жатат. Кочого ат коюга кандай талаптарга жооп беруусу керек. Бул боюнча кайсыл мыйзам бар.

Ответ:

Жооп: Урматтуу Байзак! “ Кыргыз Республикасындагы географиялык аталыштар жөнүндөгү” мыйзамында көчөлөрдүн аты дагы географиялык аталышка кирет. Көчөгө ат коюу айылдык кеңештин токтому менен бекитилет. Көчөгө ат коюга байланышкан бардык чыгашалар жергиликтүү бюджеттен каржыланууга тийиш ( аталган мыйзамдын 7, 12-беренесин караңыз). Жаңы көчөгө ат коюу үчүн ошол чөлкөмдө жашаган калк менен жолугушуп чогулуш өткөрүп, алардын ой-пикирин, сунуштарын угуу зарыл, андан кийин чогулуштун протоколун айылдык кеңештин туруктуу комиссиясында карап, ал боюнча чыккан чечимди сессияда бекитүү керек. Өзүн –өзү каржылай албаган айыл өкмөттөрдө каражат тартыштыгына байланыштуу тоскоолдуктар жаралат, ошол учурда жергиликтүү бийлик көчөгө атты коюу демилге менен чыккан тарапка кайрылып, алардын мүмкүнчүлүгүн колдонсо болот. Ушул каражат маселесинен көп учурда мурда коюлган аттар унутулуп калган учурлар кездешет. Көчөгө ат коюп алып, жергиликтүү бюджеттен каражат табылбаса же демөөрчүлөр каржылабаса, анда мындай ишти баштоонун эмне зарылдыгы бар? Чынбы, ошондуктан “жети өлчөп бир кесүү” керек.

Гулнура     [28 Февраля 2018]

Саламатсыздарбы мен сиздерге беруучу суроом 2014 жылы 1 июлда чыккан Токтомду кайдан жана кантип тапсак болот

Ответ:

Аталышын жазсаңыз, тапканга аракет жасап ушул сайтка илип коебуз. 1 күндө көп токтомдор чыгат, аты манилүү.

Санжар     [28 Февраля 2018]

Саламатсыздарбы ? Менин сиздерден сурайын дегеним биринчиден айыл окмотторун прокуратура текшеруу учун аудит жалдаса болобу.Экинчи суроом айылдык маданият уйунун башчысын айыл окмот башчысынын буйругу менен ишке кабыл алса болобу.Рахмат

Ответ:

Жооп: Урматтуу Санжар! 1. Албетте прокуратурада иштеген кызматкерлер негизинен юристтер болгондуктан, айыл өкмөттөрдүн чарбалык, финансылык абалын текшерүү үчүн тиешелүү адистерди жалдашат. Ал жалданган адистер менен прокуратуранын ортосунда келишим түзүлөт, текшерүүгө жалданган адистерден келишимди көрсөтүүнү талап кылууга укугуңар бар. Мыйзамды так сактаган прокуратуранын өкүлдөрү текшерүүгө келген учурда өздөрү эле келишимди көргөзүшөт. Жалданган адистин акысын келишим түзгөн тарап-прокуратура төлөп берет. 2. Айылдык маданият үйүнүн башчысы кызмат ордуна райондук маданият бөлүмүнүн буйругу менен бекилет, бирок айыл өкмөт башчысынын макулдугун алуусу керек. Себеби, маданият үйүнүн башчысы муниципалдык менчикте турган обьектте (клуб, маданият үйү) иш жүргүзөт

Мирлан     [28 Февраля 2018]

Саламатсыздарбы мен суронун мазмунун тушундурө албапмын. Балдар бакчаларынын кызматкерлерине жана ошондой эле мектеп окуучуларына командировкалык чыгымын жергиликтүү бюджеттен төлөп берсе болобу же жокпу? Себеби Балдар бакчаларынын кызматкерлери айлык акысын Райондук билим берүү бөлүмү каржылайт. Эгерде толоно турган болсо кайсыл мыйзамда белгиленген. Ал эми бюджеттик кодекстин 51-беренесинде имараттарын күтүү жергиликтүү бюджетке белгиленген. Кыргыз Республикасынын Өкмөтүнүн 2008- жылдын 26-августундагы №471 токтомунда Командировкалык чыгымдардын нормаларын белгилөө жана алардын ордун толтуруунун тартиби белгиленген.

Ответ:

Мирлан мырза, бала бакча жана мектептин кызматкерлеринин иш сапарга чыккандыгы жергиликтүү бюджеттен каржыланбайт. Себеби, элге билим берүү боюнча каржылоо республикалык бюджеттин эсебинен жүргузүлөт. Ал эми мектеп окуучуларынын олимпиада, спорттук жана маданий иш чараларга катышуусуна жергиликтүү бюджеттен каражат бөлүп берсе болот. Албетте, айылдык кеңештин сессиясында каралып, бюджетке киргизип бекиткенден кийин. Статья 2215.

Карим     [28 Февраля 2018]

Саламатсыздарбы? Мен айыл окмотто бухгалтер болуп эмгектенем. КР Минтрудтан бир айга орто эсеп менен айтканда 168 саат иштешибиз керек, бирок биз кээбир кундору 12-14 саатка чейин, кээде субота жана воскресение кундору да иштейбиз. Табельге 8 сааттан эле белгиленет . Биз мыйзам чегинде ашыкча саат эмгектенген учун акча ала алабызбы? Кызматтык сапарда жургондо субота же воскресение кунго табельге саат коюлабы?\\nРахмат.

Ответ:

Урматтуу Карим! Кыргыз Республикасынын Эмгек кодексинин 90- беренесине ылайык бир апталык жумуш убактысы 40 саатты түзөт. Демек, өзүңүз белгилегендей 5 жумушчу күндүн жумуш убактысы 8 сааттан болгондо бир аптада 40 саатты түзүп жатпайбы. Ал эми бир айдын 4 аптасында 160 саат жумуш убактысы болот. Табелге ар бир иш күнүнө 8 сааттык иш убактысы белгиленет. Кайдан 168 саатты КР эмгек жана социалдык коргоо министрлиги белгилеп жатат билбейбиз, биздин ал документ менен тааныштыгыбыз жок, мүмкүн болсо карап көрүү үчүн бизге салып жиберсеңиз. КР эмгек кодексине ылайык иш берүүчү тарап менен кызматкердин ортосунда ишке кабыл алып жатканда эмгек келишими түзүлөт. ( Эмгек кодекси 3-бөлүк, 7-глава). Мына ушул түзүлгөн эмгек келишиминде шарттардын баары так жазылат жана аны эки тарап аткарууга милдеттүү болот. Бирок, урматтуу Карим мырза, айыл өкмөттөгү иштин табияты таптакыр башкача болот, көп учурда ойлогон ойду турмуш башкача нукка буруп коет. “Айтылбай турган сөз эле, айтылып кетти өзү эле “ дегендей айыл өкмөттө иштегендер “күндүн чыкканы менен батканына гана жооп бербейт”, калганынын баарына жооп берет, башкача айткантда айыл өкмөтү муниципалдык да , мамлекеттик да иштердин аймактагы абалына толук жоопкерчиликтүү. Ошондуктан, ЖӨБО аппараты эмгек келишиминде көрсөтүлгөндөн тышкары көптөгөн иштерди эл үчүн деп, жер үчүн деп жумуштан кийин, дем алыш жана майрам күндөрү иштеп келе жатышат. Мисалы: ишембилик, шайлоо өткөрүү ж.б.толгон –токой жумуштар. Уюштуруу иштери жакшы жолго коюлган айыл өкмөттөрдө бир апталык 40 сааттык жумуш убакыт ичинде мүмкүн болгон баардык иштерди натыйжалуу аткарууга жетишсе болот.

Ильяз     [27 Февраля 2018]

Саламатсыздарбы откондо сиздерге муниципалдык менчикте турган ЮМЗ маркасындагы эксковаторду сатуу туралуу шартары менен кайрылган элем. Ал учун жооп бергениниздерге рахмат. Бирок бул сиздер айткан КР окмотунун 26.03.2000 жылдагы 168 токтомунда карап чыгып, ал жерде бир канча критейлер корсотулуптур. Ал жерде туз сатуу тууралу корсотулуптур. Андыктан аукциондун шарттары кандай негизде откорулорун, жана арымдарын кандай тартипте белгиленери жок экен. Ошол аукциондун шарттары кандай муниципалдык менчиктегилерди?

Ответ:

Муниципалдык менчикте турган мүлккө аукционду өткөрүү- бул аткаруу органы болгон айыл өкмөттүн милдети, ошондуктан айыл өкмөттүн жерлерди жана мүниципалдык мүлктү ижарага берүү жана сатуу боюнча комиссиясы мыйзамга ылайык аукционду өткөрүүнү уюштурат. Комиссия аукциондун бардык шарттарын белгилейт, мисалы: алгач айыл өкмөттүн буйрутмасы менен эксперт трактордун баасын эсептеп чыгат, комиссия анын негизинде баштапкы бааны, андан кийин арымдардын (шаги) баасын аныктап берет, андан кийин ММК аукцион өтүүчү күндү жана шарттарын жарыялайт. Катышуучулардын кепилдик взносунун суммасын аныктайт, дегинкиси мыйзамдагы бардык процедуралык уюштуруу иштерин жүргүзөт жана жооп берет. Айыл өкмөт башчысы аукционистти дайындайт. Эми комиссиянын курамы боюнча айта кетсек, айыл өкмөттүн бул иштерди аткара турган комиссиясында төрагалык милдетти айыл кеңештин депутаты аткарат, андан тышкары комиссияга дагы 2 депутат, айыл өкмөттүн башчысы, жооптуу катчы, айыл башчы жана коомдук эмес уюмдардын өкүлдөрү мүчө боло алат. Комиссиянын саны так сандан 5-7 кишиден турганы оптималдуу, анткени комиссияны чогултууга же кворумга жетишип натыйжалуу иш алып барганга ыңгайлуу болот. Аукцион ачык өтсө, коомчулукта ар кандай суроолордун чыгышына жол бербейт.

Анара     [26 Февраля 2018]

Муниципалдык кызматкерлер мыйзам боюнча эмгек оргууго 30 календардык кунго чыгат, эмгек оргуунунун акысы кандай, канча кунго эсептелет, 30 календердык кунгобу же анын ичиндеги эмгек кундоргобу?

Ответ:

Урматтуу Анара! Кыргыз Республикасынын “ Мамлекеттик жарандык кызмат жана муниципалдык кызмат жөнүндөгү” мыйзамынын 38-беренесинде мамлекеттик жарандык кызматчылардын жана муниципалдык кызматчылардын өргүүсү тууралуу төмөнкүдөй жазылган: “Кызматчыга жыл сайын ден соолугун чыңдоо үчүн мыйзамдарда белгиленген тартипте жөлөкпул төлөө менен 30 календардык кү нгө созулган акы төлөнүүчү өргүү берилет”. Демек, өргүүгө чыккан муниципалдык кызматкерге календарлык күнгө төлөнөт.

Мирлан     [26 Февраля 2018]

Саламатсыздарбы!!! Менин суроом томондогудой, Айыл Окмотту Балдар бакчаларынын кызматкерлерине жана ошондой эле мектеп окуучуларына командировкалык чыгымын кайсыл мыйзамдын негизинде толоп берет? Мыйзамын таппай жатамын.

Ответ:

Урматтуу Мирлан! Бул сурооңузга Кыргыз Республикасынын Өкмөтүнүн 2008- жылдын 26-августундагы №471 "Командировкалык чыгымдардын нормаларын белгилөө жана алардын ордун толтуруунун тартиби жөнүндө" токтомунан толук маалымат аласыз. Андан тышкары КР Бюджеттик кодексин дагы бир жолу жакшылап окуп чыгыңыз.

Страницы:
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75