Форум
Всего тем: 4
Всего сообщений: 2

Интеррнет приемная

Задать вопрос

Ваше имя

Введите символы с картинки

Ваш вопрос

Марат     [6 Декабря 2017]

Саламатсызбы. Менин суроом томондогудой. Айыл окмотунун дайыма иштеп келишкен кызматкерлери мооноттуу келишимдерди тузушкон. Келишимдин мооноту 04.01.2018-жылы аяктайт. Мурда деле келишимдер эки жылга тузулуп, мооноту буткондо кайрадан мооноттуу келишимдер тузулуп келген экен. Эми КР эмгек кодексинин 79-беренесинин 2-пунктуна ылайык же келишимдин мооноту буткондугуно байланыштуу буга чейин иштеп келген аппарат кызматкерлерин жумуштан бошотсо болобу жана вакант катары кызмат ордуларына кайрадан конкурс откорсо болобу жана бул туура болобу. Ушул боюнча толук маалымат беруунуздорду отунобуз. жол жобосун кенири баяндап берсениздер жакшы болот эле. Алдын ала сиздерге рахмат.

Ответ:

Урматтуу Марат! Кыргыз Республикасынын Эмгек кодексинин 67-беренесинде мамлекеттик жарандык кызмат жана муниципалдык кызмат ордуна дайындоо, кызмат өтөө жана кызмат ордунан бошотуу тартиби жөнүндө:” Мамлекеттик жарандык кызматта жана муниципалдык кызматта кызмат орундарын ээлөө Конституцияда, мыйзамдарда жана мамлекеттик жарандык кызмат жана муниципалдык кызмат чөйрөсүндөгү Кыргыз Республикасынын башка ченемдик укуктук актыларында белгиленген тартипте, дайындоо же шайлоо жолу менен жүзөгө ашырылат. Мамлекеттик жарандык кызмат жана муниципалдык кызмат ордуна дайындоо, кызмат өтөө жана кызмат ордунан бошотуу мамлекеттик жарандык кызмат жана муниципалдык кызмат чөйрөсүндөгү Кыргыз Республикасынын ченемдик укуктук актыларында белгиленген тартипте жүзөгө ашырылат” деп көрсөтүлгөн. Кыргыз Республикасынын “ Мамлекеттик жарандык кызмат жана муниципалдык кызмат жөнүндө” мыйзамынын 23-беренесине ылайык мамлекеттик жарандык кызматка жана муниципалдык кызматка кирүү конкурстун негизинде жүзөгө ашырылат.Эгер конкурс аркылуу кызматка кирген жаранга кайра келишим түзүүнүн эмне зарылдыгы бар, бул мыйзамсыз көрүнүш болуп калат. Демек, келишим түзүүнүн кереги жок.

кенеш     [5 Декабря 2017]

как предоставляется земли гфсу семноводческим хозяйствам

Ответ:

Уважаемый Кенеш! Согласно Типовому положению “Об условиях и порядке предоставления в аренду земель Государственного фонда сельскохозяйственных угодий” земли ГФСУ могут предоставляться в аренду вне торгов посредством прямых переговоров, все подробности Вы найдете в нашем сайте разделе “Законодательство”(Постановления Правительства КР)

Осмонбек     [5 Декабря 2017]

Саламатсыздарбы, КРнын айыл аймактарындагы муниципалдык менчиктерди башкарууда, жаны курулган же ондоп тузоодон откон объектилерди, товарларды жана жабдууларды муниципалдык менчиктин реестрине киргизуу жана реестрге киргендиги тууралуу тастыктоочу маалыматты алуу тартиптери кандай?

Ответ:

Урматтуу Осмонбек! Муниципалдык менчиктеги бардык сиз атаган муниципалдык мүлк тууралуу маалыматты албетте муницалитеттин (айыл өкмөт менен мэрия) өзүнө кайрылып алсаңыз болот. “ Мүлккө муниципалдык менчик жөнүндө” Мыйзамына ылайык муниципалдык менчиктеги кыймылдуу жана кыймылсыз мүлккө карата укук, ошондой эле ушул мүлккө болгон укуктук чектөөлөр, алардын келип чыгышы, өзгөрүшү, өткөрүп берилиши же токтолушу тийиштүү аймактагы мамлекеттик каттоо органдарында мыйзамдарда белгиленген тартипте каттоодон өткөрүлүшү керек. Айыл өкмөтү же мэрия муниципалдык менчикти мамлекеттик каттоодон өткөрүүнү жүзөгө ашырган болсо, так маалыматты райондогу мамлекеттик каттоо органынан мыйзамда көрсөтүлгөн эрежеге ылайык ала аласыз.

Дастан     [2 Декабря 2017]

Саламатсызбы! Мен айылдык кеңештин депутатымын, суроом: Айылдын Кеңештин депутаттык кызматы муниципалдык кызмат болуп эсептелеби, ал болбосо кеңештин төрагасы муниципалдык кызмат болуп эсептелеби? Рахмат

Ответ:

Урматтуу Дастан мырза! Муниципалдык кызматта муниципалдык кызмат орундары аныкталган. Муниципалдык кызмат орду мыйзамдарда белгиленген тартипте жергиликтүү өз алдынча башкаруу органынын штаттык бирдиги катары ушул органдын ыйгарым укуктарын аткаруу жана камсыз кылуу боюнча иштеген адам үчүн милдеттердин белгилүү чөйрөсү менен уюшулган кызмат орду. Муниципалдык кызмат орундары саясий жана административдик болуп экиге бөлүнөт. Айылдык кеңештин депутаттары саясий муниципалдык кызмат ордуна кирет, ал эми айыл өкмөттүн кызматкерлеринин орду административдик кызмат оруну болуп эсептелет, анткени конкурс аркылуу айыл өкмөтүнүн башчысы аркылуу дайындалышат. Демек, айыл кеңештин ар бир депутатын саясий муниципалдык кызматты аркалап жүрөт деп айтса болот.

суербек     [28 Ноября 2017]

может ли депутат айыльного кенеша одновременно являться председателем жайыт комитета

Ответ:

Уважаемый Суербек мырза! Согласно Закона «О статусе депутатов местных кенешей» Статья 5. Несовместимость статуса депутата местного кенеша с некоторыми должностями и видами деятельности Депутат местного кенеша не может состоять на государственной службе или иной муниципальной службе в случаях: 1) если государственный орган или орган местного самоуправления, в котором он занимает руководящую должность, расположен в пределах территории того же айылного аймака или города, что и представительный орган местного самоуправления (местный кенеш айылного аймака или города), депутатом которого он является; 2) если государственный орган или орган местного самоуправления, в котором он состоит на государственной или муниципальной службе, подотчетен представительному органу местного самоуправления (местному кенешу айылного аймака или города), депутатом которого он является. То есть, депутат не может быть председателем Жайыт комитета, так как Жайыт комитет подотчетен местному кенешу.

шер     [27 Ноября 2017]

Саламатсыздарбы, Суром томондогучо: мамлекеттик органдарга жана жергиликтуу оз-алдынча башкаруу органдарына жазуу жузундо арыз менен кайрылсам жооп берилбеди. Кайсыл мыйзам нормаларына ылайык арызга канча кундо жооп берилет.

Ответ:

Урматтуу Шер! КР “ Жарандардын кайрылууларын кароо тартиби жөнүндө “ мыйзамынын 8-статьясында Жазуу жүзүндөгү (электрондук) кайрылууну кароонун мөөнөттөрү тууралуу так жана даана көрсөтүлгөн: 1. Жазуу жүзүндөгү (электрондук) кайрылуу мамлекеттик органга, жергиликтүү өзалдынча башкаруу органына же кайрылууда коюлган маселелерди чечүү компетенциясына кирген кызмат адамына келип түшкөн учурдан тартып бир жумушчу күндүн ичинде милдеттүү түрдө катталууга тийиш. 2. Мамлекеттик органга, жергиликтүү өз алдынча башкаруу органына же компетенцияларына ылайык кызмат адамына келип түшкөн жазуу жүзүндөгү (электрондук) кайрылуу жазуу жүзүндөгү (электрондук) кайрылуу катталган күндөн тартып 14 жумушчу күндүн ичинде каралат. 3. Жарандын кайрылуусун чечүү үчүн атайын текшерүүлөрдү (экспертизаларды) жүргүзүү, кошумча материалдарды суратып алуу же болбосо башка чараларды көрүү зарыл болгон учурларда даттанууларды чечүү мөөнөттөрү демейдегиден башкача тартипте узартылышы мүмкүн, бирок ал 30 календардык күндөн ашпайт. Бул жөнүндөгү чечим мамлекеттик органдын же жергиликтүү өзалдынча башкаруу органынын жетекчиси, кызмат адамы же болбосо ага ыйгарым укук берилген адам тарабынан кабыл алынат жана арыз ээсине жазуу жүзүндө (электрондук) билдирилет. 4. Жазуу жүзүндөгү (электрондук) кайрылууда коюлган маселелерди чечүү бир нече мамлекеттик органдардын, жергиликтүү өзалдынча башкаруу органдарынын же кызмат адамдарынын компетенциясына тиешелүү болгон учурда кайрылуунун көчүрмөсү катталган күндөн тартып беш жумушчу күндүн ичинде тийиштүү мамлекеттик органдарга, жергиликтүү өзалдынча башкаруу органдарына же тийиштүү кызмат адамдарына жөнөтүлөт.

Анара     [25 Ноября 2017]

КЫРГЫЗ РЕСПУБЛИКАСЫНЫН МЫЙЗАМЫ Мамлекеттик жаштар саясатынын негиздери жөнүндө

Ответ:

Урматтуу Анара айым! Сиз сураган мыйзамды биздин сайтыбызда ЗАКОНОДАТЕЛЬСТВО деген разделде ДРУГИЕ ЗАКОНЫ деген пункта илип койдук.

Уланбек     [24 Ноября 2017]

Саламатсыздарбы.Менин суроом томондогудой:бардык эле китепкана башчылары жана клуб башчысы ,жардамчылар эмнеге отпускага чыкса отпускной толонуп берилбейт коп эле айыл окмоттордо же эмгек кодексинде мун.кызматкерлерге толонот, маданият кызматкерлерине толонбойт айлык акысы эле берилет деген мыйзам барбы .Жообун берип койсонуздар. Рахмат.

Ответ:

Урматтуу Уланбек мырза! Сиздин сурооңуз боюнча төмөнкүдөй жооп бере алабыз. Айыл өкмөттө эмгектенүү муниципалдык кызматка киргендиктен, анда иштеген жарандар мыйзамга ылайык муниципалдык кызматкер болуп эсептелет. Алар Кыргыз Республикасынын “ Мамлекеттик жарандык жана муниципалдык жөнүндө” мыйзамындагы бардык квалификациялык талаптарга жооп беришип, андан кийин гана кызматка киришет. Муниципалдык кызматтагы иштеген жарандарга мыйзамдарда белгиленген тартипте жөлөкпул төлөө менен акы төлөнүүчү эмгек өргүүсү берилет. Ал эми сиз атаган айылдагы маданият кызматкерлери муниципалдык кызматкер болбогондуктан Эмгек кодексинде каралган гана эмгек өргүүсүнө чыга алышат.

Азамат     [23 Ноября 2017]

Саламатсыздарбы! АК Торагасы 3 кварталдын отчетун угуу сессиясын болбогон шылтоо айтып кечиктирип жатат. уже 24 ноябрь болуп калды. Не кылуу керек?

Ответ:

Урматтуу Азамат мырза! Эгер Сиз Айылдык кеңештин депутаты катары суроо берип жатсаңыз, анда өзүңүз жакшы билишиңиз керек, жылдын башында айылдык кеңештин иш планын бекитип жатканда төраганын отчет берүүсү планга кирип каралсан болсо, ал отчет берүүсү керек. Эгер айыл кеңештин иш планында бул маселе каралбай калган учурда туруктуу комиссиялар аркылуу маселени көтөрүп чыксаңар болот. Башкысы төраганын отчетун , айыл кеңештеги ар бир депутаттын, ар бир туруктуу комиссиянын отчетторун жалпы шайлоочуларга угузгандан кийин гана жалпы депутаттардын ишмердүүлүгү боюнча отчетту же маалыматты жыйынтыктап акырында төрага берсе ылайыктуу болот.

Болотбек     [23 Ноября 2017]

Саламатсыздарбы? Менин суроом томодогудой; \nАйыл окмоттун балансына 10 даана автотехника алып, фирмаларга арендага берсе болобу? айыл окмоттун бюджетине каражат тушуруу максатында? Чоон рахмат. ишиниздерге ийгилик каалайм.

Ответ:

Урматтуу Болотбек мырза! Албетте , ал техникаларды ижарага берип, жергиликтүү бюджетке каражатты түшүрсө болот. Бирок, бул аракеттер Кыргыз Республикасынын “ Мүлккө болгон муниципалдык менчик жөнүндө” мыйзамында көрсөтүлгөн эрежелерге ылайык болуусу керек.

Страницы:
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70