Форум
Всего тем: 4
Всего сообщений: 2

Интеррнет приемная

Задать вопрос

Ваше имя

Введите символы с картинки

Ваш вопрос

Анара     [12 Июня 2018]

Коп балалуу энелерди сыйлоо боюнча Кыргыз Республикасынын Президентинин 19.08.1996-жылдагы № 285 буйругу менен бекитилген нускаманы бере аласыздарбы

Ответ:

Урматтуу Анара! Сиз сураган көп балалуу баатыр энелер тууралуу Кыргыз Республикасынын Президентинин жарлыгын негизинде иштелип чыккан инструкция менен биздин сайттын «законодательство» бөлүмүн «указы» деген жеринен толук тааныша аласыз.

Эркинбек     [12 Июня 2018]

Саламатсызбы, тендер боюнча штат жок, кошумча айлыкка коштурсак болобу.

Ответ:

Урматтуу Эркинбек! Ооба , айыл өкмөттүн аппаратынын штаттык бирдигинде мамлекеттик сатып алуулар боюнча адис деп көргөзүлбөйт, бул милдетти айыл өкмөттүн башчысы атайын окуп билим алган, сертификаты бар муниципалдык кызматкерине аткарууга милдеттендирет, анын иштик нускамасына (функционалдык иш милдетине) киргизилет.

эрме     [11 Июня 2018]

А/О сатып алынган буюмдарын айылдык депутатар текшерсе болобу Тентерден берген сатып алууларды корсо болобу кайсыл жол менен мисалы: 100минге 400 минге буткорулду деп койутат

Ответ:

Урматтуу Эрме! Жергиликтүү кеңештин депутаттары өздөрүнүн сессиясында жана туруктуу комиссиялардын жыйындарында жергиликтүү кеңешке отчет берүүчү же көзөмөлүндө турган ар кандай органдын же кызмат адамынын отчетун же маалыматын угууга укуктары бар. Отчет алуу же маалымат угууну текшерүү менен алмаштырбагыла, депутаттардын текшерүү жүргүзүү укугу жок, бирок тийиштүү мамлекеттик органдарга текшерүү жүргүзүү боюнча кайрыла алышат. Жүргүзүлгөн текшерүүнүн жыйынтыгын менен толук маалыматты сессияларда жана жыйындарда таанышып, ал боюнча айыл кеңеш белгилеген тартипте жарыя кылууга укуктуу.

максат     [10 Июня 2018]

орозо айыныздар менен.Мен салыкчы болуп айыл окумотундо иштейм.Райондун салык инспектору кээ бир убакта бизге окумоттун жумушу силер аткарууга тийишсинер деп бизге туура эмес мамиле жасашат.Барбай койсон баардык кагаздарды берип жиберишет.Ушул туурабы.Биз айыл окумотунун кызматчысы болгондуктан айыл окумотунун берген тапшырмасын аткарабыз.Республикадан областан,акимчиликтен келген иш кагаздарга оз убагында аткарып билдируу берип турабыз. Ал эми райондун салык кызматкерлери эмне жумуш аткарышат мен тушунбойм.Баардык салык жыйынын биз элге тушундуруп банка токтуртобуз.айыл окумотуно берилген планды аткарууга аракет жазайбыз.Райондун салык кызматкери бизге келип башчыбыздай маиле кылганы туурабы?

Ответ:

Урматтуу Максат! Айыл өкмөттүн киреше боюнча адиси (салыкчысы) биринчи кезекте муниципалдык кызматкер болуп эсептелет жана көпчүлүк учурда мамлекеттик ыйгарым укуктарга кирген иштерди аткарып келет(караңыз: КР "Жергиликтүү өз алдынча башкаруу жөнүндөгү" мыйзамы 20-берене). Бүгүнкү күндө мамлекеттик салык кызматы көптөгөн мыйзам актыларынын чыкканына карабастан бул ыйгарым укуктарды жергиликтүү бийликке мыйзам чегинде өткөрүп бере элек. Айыл өкмөттүн киреше адиси (салыкчысы) өзүнүн иштик нускамасына ( функциональные объязанности) ылайык ишин алып барат. Райондук салык кызматы менен айыл өкмөттүн ортосунда ыйгарым укуктарды аткаруу тууралуу келишим түзүлгөндөн кийин райондук салык кызматынын инспекторлору усулдук, уюштуруучулук, консультативдик жана башка тийиштүү жардамдарды көргөзүүгө милдеттүү болушат. Эки мекеменин ортосунда өнөктөштүк мамиле болуусу керек, алардын силерге келип үстөмдүк кылууга укугу жок.

Асыранов Жангазы Бакасович     [6 Июня 2018]

Биздин айыл окумоту 2010-жылы 9жаранга аз камсыз болгон уй-булолорго 0,07га жер участогун болуп берген мурдагы союз мезгилиндеги МТФнын барак тамдардын жанынан.Жергиликтуу Айыл Кенештин токтому менен.Мен болунгон участоктун бироосун сатып алгам.Участоктун азырынча токтомдон башка документи жок.Себеб бул жер трансформацияга чыга элек экен.Арадан сегиз жыл отту жогорку жактан азырынча мыйзам кабыл алына элек.Уулум уй-булолуу бир баласы бар ошол участокко айыл аймагынын оздук чарба китебине тутун кылып болуп койсом бололбу?Участоктун толук мыйзамдуу кагазы кабыл болгонго чейин.Айыл аймагынын катчысы жер участоктун куболугу жок тутун болуп болунгонго болбойт деген жоопту айтып жатат.Ушул маселени чечууго кенеш берип койсонуздар.Сиздерге рахмат\\n\\nУрматтоо менен.Жангазы.

Ответ:

Урматтуу Жангазы! Трансформация болбогон жерлерге жергиликтүү бийликтин аткаруу органы болгон айыл өкмөтү турак-жай салууга жер участкасын бөлүп берүү тууралуу эч кандай чечим чыгара албайт . Айыл кеңеш жер участкаларын жарандарга турак-жай салуу үчүн болүп берүү маселесин кароону айыл өкмөткө тапшырма түрүндө гана токтом чыгарышы мүмкүн, ар бир жаранга турак-жай салууга жерге токтом чыгаруу айыл кеңештин компетенциясына кирбейт. Тийиштүү укуктук документтери болбогондуктан айыл өкмөтү чарбалык китепке түтүн катары каттоо жүргүзбөйт, ошондуктан бардык иштер мыйзамга ылайык жүргүзүлүшү керек. Жангазы мырза, көрдүңүзбү,мыйзамсыз башталган иштер акырына чейин жалаң тоскоолдуктарды жаратып, жарандарды кыйноого салат.

Асыранов Жангазы Бакасович     [6 Июня 2018]

Саламатсыдарбы! Мен 2004-жылдан бери айыл окумотунун кызматкеримин. Менин суроом. Биздин айыл окумот торт айылдан турат. Мен жашаган айыл алыскы тоолу аймакка кирет. Иштеген кенсебиз томонку айылда жайгашкан. Мага алыскы тоолу аймакка тийиштуу эмгек акыма коэфциент кошулабы? Ушул маселенин жообун тактап беруунуздорду суранам сиздерди урматтоо менен

Ответ:

Урматтуу Жангазы Бакасович саламатсынарбы. Юстиция министрлигинин базасында, сиз берген суроого тиешелүү укуктук ченемдик актылар орус тилинде болгондуктан кээ бир жерлерин орус тилинде жазып коебуз. Бул маселе "О государственных гарантиях и компенсациях для лиц, проживающих и работающих в условиях высокогорья и отдаленных труднодоступных зонах" деген мыйзам менен жөнгө салынат. Ошол мыйзамдын 1 беренесинде мындай деп турат: "Действие настоящего Закона распространяется на лиц, проживающих в условиях высокогорья и отдаленных труднодоступных зонах, и лиц, работающих на предприятиях, в учреждениях, организациях, расположенных в указанных условиях." Көрдүңөрбү и лиц проживающих, и работающих деген сиз ошондой региондо жашасаңыз сиз дагы ушул мыйзамда көрсөтүлгөн коэфициентке укугуңар бар. Бул мыйзамдан сырткары өкмөттүн токтому бар №377 1997 жылдын 25 июлунда кабыл алынган. Бул документтин аталышы дагы тиги мыйзам менен айкалышат "Об оказании государственной поддержки лицам проживающим....." ошол жерде коэфициенттер жашагандарга өзүнчө, иштегендерге өзүнчө көрсөтулгөн экен. Сиз жашаган коэфициентти колдоносуңар.

Кайрат Бакасов     [5 Июня 2018]

Саламатсыздарбы.Менин суроом айыл аймагынын оздук чарба китебине тутун болуп болунуу \nучун кимге кайрылам жана жер участогу жок тутун болуп болунсо болобу?

Ответ:

Урматтуу Кайрат! Айыл өкмөттөгү чарба китепке жаңы түтүн катары катталуу үчүн айыл өкмөттүн жооптуу катчысына кайрылгыла. Ал үчүн катталуучунун наамына турак-жай курууга берилген жеручастогунун документтери, курулган үйдүн техникалык паспорту, архитектуралык пландоо чечимдери...ж.б. документтер болушу керек.

Талант     [2 Июня 2018]

Кандайсынар талыкпай иштеп жатасынарбы. суроом бар мен а/о жер алгам арендага 10жылга бак кылам деп адырды алгам жерге кирпич завот курабыз деп жатат жеке ишкер ал жерди мен менен келишим тузобу.окмотко кандай налок толойм А/О ко ошол келишимдеги налокту толоймунбу

Ответ:

Урматтуу Талант! Эгер Сиз ижарага алып иштетип жер аянты АЖМФнын жерлерине кирсе, анда айыл өкмөтү менен силердин ортоңордо түзүлгөн келишимдин шарттары сакталышы керек. Сиз иштеткен жер аянтына жаңы кирпич заводунун курулушу мыйзамдарга ылайык бардык процедуралардан өткөндөн кийин гана чечилет, андан кийин айыл өкмөтү белгиленген мөөнөттө Сиз менен түзүлгөн келишимдин шарттарын өзгөртүү же токтотуу аракеттерин көрөт. Демек, шарттар өзгөрүлсө ишкер бардык төлөмдөрдү Сизге эмес, мамлекетке же айыл өкмөткө төлөп баштайт.

Айжан     [31 Мая 2018]

Саламатсыздарбы, менин суроом томондогучо. мен орус тилчи мугалими болуп айыл жеринде иштеймин, мен окуумду толук буто элек мектепте мугалим тартыштыгынан улам справканын негизинде убактылуу иштеп жургом, бирок бугунку кундо дагы убактылуу буйруктун негизинде иштеп жатам, эмгек китепчемде дагы убактылуу деп жазылган. туруктуу буйрук чыгартып иштешим учун дагы канча жыл убактылуу иштеймин. мен толугу менен окуумду бутком. Сураныч кайсыл мыйзам нормаларына ылайык убактылуу канча жыл иштесе болот, мооноту боюнча кандай корсотулгон, туруктуу иштешим учун кандай документтерди толуктап даярдоом керек,\n рахмаат

Ответ:

Урматтуу Айжан! Кыргыз Республикасынын Эмгек кодексинин 74- беренесинде убактылуу ордун ээлөө боюнча: "Өндүрүштүк зарылчылык иретинде кызматкер убактылуу жок болгондо, анын кызмат милдеттерин штаттык орун басары болуп саналбаган башка кызматкерге аткарууну жүктөөгө жол берилет. Убактылуу ордун ээлөөнүн узактыгы 3 айдан ашпашы керек" деп көрсөтүлгөн. Окууну бүткөнүңуздү далилдеген дипломуңузду мектептин жетекчисине көргөзүп, эмгек китепчеңизге өзгөртүү киргизүүнү талап кылыңыз.

Хасан     [31 Мая 2018]

Ассалому-Алейкум! В Жалал-Абад областында налог на несельхозназначение эсептоо учун ставкаларды айтып берсениз. Мисалы кээ бир жерде жер салыгын ставкасы 20 минден 50 минге чейин калк учун 1.8 кээ бир жерде 2 деп жазылып турат. 2 болсо качандан бери болгон? Коэффициент инфляции 2016,2017,2018 жылдарга канча болгон. Коммерциялык коэффициентти мурун эч кандай коммерциялык жумуш жургузбогон болсо айыл жеринде кайсыл пунктка корсотуш керек?

Ответ:

Урматтуу Хасан мырза. Ушул сайттын Законодательство бөлүмүндө Салык кодексин басып маалымат алып салыкты эсептеп аласыз. 1. Жалал-Абад областында налог на несельхозназначение эсептоо учун ставкаларды айтып берсениз - 339-берене. Калктуу конуштардын жерлерин жана айыл чарба багытында болбогон жерлерди пайдалангандык үчүн жер салыгынын ставкалары. 2. Мисалы кээ бир жерде жер салыгын ставкасы 20 минден 50 минге чейин калк учун 1.8 кээ бир жерде 2 деп жазылып турат - бул сом 1 кв. метрга. Ошондо жер тилке канча болсо, ошону метр квадратка айлантып, ошол ар бир квадрат метрине 2 сом, же 1 сом 80 тыйын болот. 3. 2 болсо качандан бери болгон? - 2009 жылы кабыл алынгандан бери. 4. Коэффициент инфляции 2016,2017,2018 жылдарга канча болгон - 25.04.2016 жылдын № 214 өкмөттүн токтому менен инфляция коэффициенти - 1,034 деп аныкталган. Ошондон бери өзгөрө элек. 5. Коммерциялык коэффициентти мурун эч кандай коммерциялык жумуш жургузбогон болсо айыл жеринде кайсыл пунктка корсотуш керек? - 1 деген коэффициент колдонулат, а 1 салыктын көөлөмүнө таасир тийгизбейт.