Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеӊештин Регламенти боюнча комитети “КР Жогорку Кеңешинин Регламенти жөнүндө” мыйзамдын 115-беренесинин 1-бөлүгүнүн негизинде Жогорку Кеңештин депутаты Кенжебек Бокоев демилгелеген жана 2017-жылдын 16-февралында Жогорку Кеңеш тарабынан биринчи окууда кабыл алынган “КР жергиликтүү өз алдынча башкаруу органдарына шайлоолор жөнүндө”, “КР айрым мыйзам актыларына өзгөртүүлөрдү киргизүү жөнүндө” (“Жергиликтүү өз алдынча башкаруу жөнүндө”, “Борбордун статусу жөнүндө”, “Ош шаарынын статусу жөнүндө”, “Жергиликтүү кеңештердин депутаттарынын статусу жөнүндө” мыйзамдарга) мыйзам долбоорлорун кеңири талкуулоо максатында 2017-жылдын 10-мартынан 31-мартына дейре Кыргыз Республикасынын аймактарында парламенттик угууларды өткөрөрүн маалымдайт.

Мындан сырткары, жогорудагы парламенттик угууларды өткөрүүнүн алкагында “Мамлекеттик жана муниципиалдык кызмат көрсөтүүлөр жөнүндө” мыйзамдын турмушка ашырылышына көзөмөл жүргүзүү боюнча маселе дагы каралат.

Ошол себептен, массалык маалымат каражаттарынын өкүлдөрүн, жарандарды жана алардын бирикмелерин, ошондой эле жергиликтүү жамааттардын мүчөлөрүн аталган иш- чарага катышуу үчүн чакырабыз.

Парламенттик угууларды өткөрүү орду, күнү жана убактысы боюнча аталган комитеттин бөлүмү кошумча маалымат берет.

Уюштуруу жана парламенттик угууга катышуу маселелери боюнча (0 312) 63-92-57 телефону аркылуу же болбосо konstit2012@mail.ru электрондук почтасы аркылуу кайрылсаңыздар болот.

Толку маалымат учун шилтемени баскыла.