Мекиш [4 Октября 2022]
Рахмат жообунуз үчүн Мен сизге ашар жолу менен курулган ФАП жөнүндө сурадым эле Фап эл тарабынан курулган. Бир адамдан жерин сатып алып курулган ал адамдын тил каты бар саттым деген.
Ответ:
Урматтуу Мекиш. Сиз өзуүңүзгө үй салсаңыз деле архитектурага барып, проект чийдирип анан сала баштайсызда. Муниципалдык объектини салдыңар, ага ким иштейт, ким айлык төлөп берет, ким ремонттойт. Аны стандарт менен салдыңарбы, же эч нерсеге жарабай калабы? Эми архитектурага мыйзамдаштырганы барасыңар, айып пулун төлөп. Ошол мамлекеттик органдардан баштагыла. Аны дагы ошол жердин ээси чуркабаса, башкаларыңар менен сүйлөшпөйт. Жок дегенде жердин ээси айыл өкмөт деген документ жасадыңар беле?
Талант [3 Октября 2022]
Салам алейкум . Мендеги суроо? Айылдык кенештин торагасы арыз жазып кетем деп жатат, депутатар башка торага шайлаш учун оздору шайлоону белгилейби же шайлоо комиссиясыбы, канча кундо шайлоо болуш керек?
Ответ:
Урматтуу Талант мырза, сиздин сурооңуз КР "Жергиликтүү мамлекеттик администрация жана жергиликтүү өз алдынча башкаруу органдары жөнүндө" мыйзамдын 40-берене менен жөнгө салынат. Ага ылайык, силер бул суроону кезектеги сессияда, же кезексиз сессияны чакыртып карай аласыздар, айылдык кеңештин регламентине ылайык. 5 кем эмес депутаттар талапкерди сунуштай алат, жалпы депутаттардын санынан көпчүлүк менен шайланып келет.
КАЛИЯ [30 Сентября 2022]
Саламатсыздар. Жоопторунузга чоон рахмат. Менде дагы бир суроо болуп атат.Айыл окмотто форма 50 маалым каты берилет.Бугун ошол форма 50 айыл окмот тарабынан берили керек берилбеши керек деген чон талкууга тушуп эки анды болуп калдык. Негизи мыйзамдарда карасак бир жерден да ошол форма жонундо таппай койдук. Ушул форма 50 ммалым кат канчалык мыйзамдуу.
Ответ:
Урматтуу Калия, сиздин сурооңузду бир нече АО тактасам, бул нотариустарга, мураскер укугуна ээ болуусуна берилүүчү справка экен. Аны жарандар адам каза болду деген справканы алып келишсе, ал каза болгон адам менен ким чогуу жашап, үй тиричилигип бирге алып барган маалыматты тактап справка берилет дешти. Бул справканы АО бербесе, ким берет? АО башка чогуу жашаган (тиричиликти бирге алып барган) же жок дегенди ким тактай алат?
Мекиш [27 Сентября 2022]
Ашар жолу менен курулган ФАПты кандай жол менен айыл өкмөтүнүн балансына алыш керек, ушул маселеге жардам берип койсонуз.Рахмат
Ответ:
Урматтуу Мекиш. ФАП ашар жолу менен курулуп баштарда проектно-сметная документация жасалды беле? Ошол документтин негизинде курулуш иши жүрүш керек болчу. Техкөзөмөл сөзсүз түрдө ошол документтин негизинде болуш керек эле. Курулуш иштерин кайсы курулуш компания ишке ашырды эле? Курулуш иштери аяктагандан кийин, комиссия (АӨ, архитектуранын, экотехинспекциянын, госрегистрдин өкүлдөрүнөн түзүлгөн) АКТ ввода в эксплуатацию деген документти түзүп, госрегистрге кат жиберишет (бул объектини регистрация кылуу үчүн). Кандай болгон күнү дагы, архитектурадан проект алып салынса керек. Ал жок салынса, анда архитекторду чакырып, айып пулун төлөп, салынган имараттын проектисин чийдирүү зарыл, анан кана госрегистрга каттоого жибересиңер. Айылдык кеңеш өз отурумунда бул маселени көтөрүп, объектини муниципалдык менчике алынышы керек деген токтом чыгарышы керек. Ошол токтомдун негизинде айыл өкмөт имаратты өз менчигине алыр, регистрация өтүп, муниципалдык мүлк реестирине киргизет. Кандай бир кошумча сурооңор болсо сурооңузду тактап жазып коюңуз.
Универсал [27 Сентября 2022]
Саламатсыздарбы.Суроо: Клуб башчысы, көркөм жетекчиси жана китепканачылар мамлекеттик жана муниципалдык кызматкерлерге киреби? Элдик курултайдын делегаты боло алабы? Рахмат.
Ответ:
Урматтуу Универсал. Клуб башчысы, көркөм жетекчиси жана китепканачылар мамлекеттик жана муниципалдык кызматкерлер эмес, ошондуктан алар курултайдын делегаты боло алат.
Санжар [23 Сентября 2022]
Саламатсызбарбы. Муниципалдык кызматчымын, айыл чарба кооперативине мучө болуп кошулганмын. Бугунку кундө прокуратура мучө болгонго болбойт деп, тартиптик чара көруу боюнча АО башчыдан талап кылып жатат. Ушул мыйзамдуубу?
Ответ:
Урматтуу Санжар мырза. Прокуратура көзөмөл ишин жасап атканда, АОкө "Акт прокурорского реагирования" деген кагаз калтырат. Ошол кагазды АО сурап, сүрөткө тартып менин whatsapp 0554620484 номериме жиберип коюңузчу. Прокуратурадан ошол сиздин ишиңиз туура эмес деген любой кагазды, ал бар болсо. Жок болсо, "жокко сот жок" дегендей маселе. Прокуратуранын иши канчалык мыйзамдуу байкоо жүргүзүп турушубуз керек, салып жибериңиз, көрөлү, алар кайсы мыйзам же укуктук - ченемдик актыга шилтеме кылып атканын.
Калия [16 Сентября 2022]
Саоаматсыздар. Менин суроом муниципалдык кызматка өтуу боюнча, мыйзам боюнча жана жобо боюнча, конкурстан өтуп келип кадр резервине өтуп, анын ичинен муниципалдык кызматка алынса да, эмгек келишим тузуу керекпи? Эмгек келишим кайсы учурда тузулот.
Ответ:
Урматтуу Калия айым. Эмгек кодексинин 55-беренесинде:"55-статья. Эмгек келишиминин мөөнөтү
Эмгек келишими төмөнкүдөй түзүлөт:
1) аныкталбаган мөөнөткө;
2) эгерде ушул Кодексте жана башка мыйзамдарда башка мөөнөт белгиленбесе, 5 жылдан ашпаган аныкталган мөөнөткө (мөөнөттүү эмгек келишими).
Мөөнөттүү эмгек келишими ушул мыйзамдарда каралган учурларда, ошондой эле эмгек келишими алдыдагы иштердин мүнөзүн жана шарттарын эске алуу
менен аныкталбаган мөөнөткө белгилениши мүмкүн болбогондо түзүлөт, анын ичинде:
- уюштуруу-укуктук формаларына жана менчигинин түрүнө карабастан уюмдардын жетекчилери, жетекчилердин орун басарлары жана башкы бухгалтерлери менен;
- мыйзамдарга ылайык иш орду сактала турган кызматкер убактылуу жок болгондо аны алмаштыруу үчүн;
- убактылуу (2 айга чейин), ошондой эле иштин табигый шарттары убакыттын (сезондун) белгилүү бир мезгилинин аралыгында гана жүргүзүлө турган сезондук иштерди аткаруу убагына;
- бөөдө кырсыктарды, аварияларды, кыйроолорду болтурбоо жана алардын кесепеттерин четтетүү жана башка өзгөчө жагдайлар боюнча шашылыш иштерди
жүргүзүү үчүн;
- уюмдун демейдеги иш-аракетинин алкагына кирүүчү иштерди (реконструкциялоо, монтаждоо жана берүү-жөнгө салуу иштери, аудит), ошондой эле өндүрүштү же көрсөтүлүүчү кызматтардын көлөмүн алдынала убактылуу кеңейтүүгө (бир жылга чейин) байланышкан иштерди жүргүзүү үчүн;
- уюмдарга - чакан жана орто ишкердик субъекттерине жумушка кирген кызматкерлердин саны 15ке чейинки адамдар менен уюм ачылган күндөн тартып
бир жылдын ичинде, ошондой эле иш берүүчү - жеке жактарга карата;
- чет өлкөгө ишке жиберилген адамдар менен;
- убакыттын алдынала аныкталган мезгилин же алдынала аныкталган иштерди аткаруу үчүн түзүлгөн уюмга ишке орношкон адамдар менен;
- ишти аткаруу (бүткөрүү) айкын дата менен аныкталышы мүмкүн болбогон
учурларда алдынала аныкталган ишти аткаруу үчүн алынган адамдар менен;
- кызматкердин стажысына жана кесиптик окуусуна түздөн-түз байланыштуу иштер үчүн;
- окутуунун күндүзгү формасы боюнча окуган адамдар менен;
- айкалыштырып иштөө боюнча ошол уюмда иштеген адамдар менен;
- мамлекеттик бийлик органынын же жергиликтүү өз алдынча башкаруу органынын мыйзамда же башка ченемдик укуктук актыда белгиленген тартипте өткөргөн конкурсунун натыйжалары боюнча белгилүү бир мөөнөткө иштөөнү караган эмгек келишимдерин түзүшкөн илимий, педагогикалык жана башка кызматкерлер менен;
- шайлануучу органдын курамына же акы төлөнүүчү шайлануучу кызмат орунуна белгилүү бир мөөнөткө шайланган, ошондой эле мамлекеттик бийлик органдарындагы жана жергиликтүү өз алдынча башкаруу органдарындагы, ошондой эле саясий партиялардагы жана башка коомдук бирикмелердеги кызмат адамдарынын же шайлануучу органдардын мүчөлөрүнүн иш-аракеттерин түздөн-түз камсыз кылууга байланыштуу ишке кирген учурларда;
- курагы боюнча пенсионерлер, ошондой эле медициналык корутундуга ылайык ден соолугунун абалы боюнча өзгөчө тартипте убактылуу мүнөздөгү ишке уруксат берилген адамдар менен;
- коомдук иштерди жүргүзүү үчүн.
Эгерде эмгек келишиминде анын колдонулуш мөөнөтү жазуу жузүндө белгиленбесе, келишим аныкталбаган мөөнөткө түзүлдү деп эсептелет. Эгерде
тараптардын бири да мөөнөттүү эмгек келишиминин мөөнөтү бүтүшүнө байланыштуу аны бузууну талап кылбаса, ал эми кызматкер эмгек келишиминин
мөөнөтү бүткөндөн кийин да иштеп жатса, эмгек келишими аныкталбаган мөөнөткө түзүлдү деп эсептелет.
Аныкталбаган мөөнөткө түзүлгөн эмгек келишими кызматкердин макулдугусуз белгилүү бир мөөнөткө кайра түзүлүшү мүмкүн эмес.
Ушул Кодексте каралган укуктарды жана кепилдиктерди кызматкерге берүүдөн баш тартуу максатында мөөнөттүү эмгек келишимдерин негизсиз түзүүгө тыюу
салынат". Эгер сиз ушул беренеде көрсөтүлбөгөн иш оорунга барбасаңыз, анда келишимсиз буйруктун негизинде иштей берсеңиз болот.
Саб [15 Сентября 2022]
ФПСтин жерине кирбеген айдоо жерден жарандарга улуш жер берсе болобу?
Ответ:
Урматтуу Саб. Үлүш жер беруу 2009 жылдын 5 февралында, №940-IV КР Жогорку Кенешинин Токтому менен айыл чарбасына жарактуу жерлерди кайра болүштүрүү фондунун жер участокторунун эсебинен, жер үлүшторүн берүү токтотулган. Айыл өкмөттөрдө караштуу айыл чарба жерлери жок, жерлер же айыл чарба мамлекеттик фонддо (АФМФ) же жайыт, же менчик болот. Андай жерлер табылса, алар АЖМФ фондуна кириши керек.
Санжар [15 Сентября 2022]
Саламатсызбарбы. Муниципалдык кызматчы айыл чарба кооперативине мучо болуп кошулса болобу. Правление жана рев. комиссиянын курамына кирбейт. Жон эле кооперативге мучо.
Ответ:
Урматтуу Санжар мырза. Мамлекеттик жарандык кызмат жана муниципалдык кызмат жөнүндөгу мыйзамга ылайык
15-берене. Мамлекеттик жарандык кызматка жана муниципалдык кызматка байланышкан чектөөлөр
1. Кызматчыга төмөнкүлөргө тыюу салынат:
1) мамлекеттик жарандык кызматчыга - муниципалдык кызматта турууга, муниципалдык кызматчыга - мамлекеттик жарандык кызматта турууга;
2) ушул Мыйзамда каралган учурларды кошпогондо, акы төлөнүүчү башка иш менен алектенүүгө;
3) өзү же ишенимдүү жактар аркылуу ишкердик иш менен алектенүүгө, уюштуруу-укуктук формаларына карабастан чарба жүргүзүүчү субъекттерди
башкарууга катышууга, ошондой эле бул үчүн кандай гана болбосун пайда алуу менен жеке жана юридикалык жактарга ишкердик ишин жүзөгө ашырууга көмөк
көрсөтүү үчүн өзүнүн кызматтык абалын пайдаланууга;
4) эгерде мыйзамдарда башкача каралбаса, мамлекеттик органдарда жана жергиликтүү өз алдынча башкаруу органдарында үчүнчү жактардын иштери
боюнча ишеним берилген же башка өкүл болууга;
5) маалыматтарды, материалдык-техникалык, финансылык жана маалыматтык камсыз кылуу каражаттарын, кызматтык автотранспорт каражаттарын жана
кызматтык иш үчүн гана арналган башка мүлктү кызматтык эмес максаттарга пайдаланууга;
6) кызматтык милдеттерди аткарууга байланыштуу мыйзамдарда каралбаган сыйакыларды (акчалай жана башка сыйакыларды, кызмат көрсөтүүлөрдү, көңүл
ачууга, эс алууга, транспорттук чыгымдарга төлөөлөрдү) жана жеке жана юридикалык жактардан белектерди алууга. Протоколдук иш-чараларга, кызматтык
иш сапарларга жана башка расмий иш-чараларга байланыштуу алынган белектер тиешелүү түрдө мамлекеттик органдардын же жергиликтүү өз алдынча башкаруу органдарынын менчиги катары таанылат жана тиешелүү мамлекеттик органга же жергиликтүү өз алдынча башкаруу органына Министрлер Кабинети тарабынан аныкталган тартипте өткөрүп берилет;
7) өзүнүн кызматтык ишине байланыштуу жана кызмат убагында саясий партияларды, коомдук бирикмелерди жана диний уюмдарды түзүүгө, алардын
ишине кандайдыр бир формада катышууга же көмөктөшүүгө; кызматтык ишин партиялык программаларга жана чечимдерге баш ийдирүүгө;
8) аны менен жакын туугандык мамилелерде турган адамдардын түздөн-түз кол алдында же көзөмөлүндө болгон кызматтарда туруусуна;
9) анын кызматы менен байланышкан, ал ыйгарым укуктуу болбогон милдеттенмелерди өзүнө алууга жана убада берүүгө;
10) кызматчынын өзүнүн жана анын жакын туугандарынын түздөн-түз жеке кызыкчылыгын козгогон маселелерди чечүү үчүн өзүнүн кызматтык абалын
пайдаланууга;
11) мамлекеттик органдардын жана жергиликтүү өз алдынча башкаруу органдарынын ишине бөгөт болгон иш таштоолорго, митингдерге жана башка иш-
чараларды уюштурууга же аларга катышууга;
12) кызматтык милдеттерин аткарууга байланыштуу ага белгилүү болуп калган, мыйзамдарга ылайык жеткиликтүүлүгү чектелген маалыматтарды,
кызматтык милдеттерин аткаруу менен байланышпаган максаттарда жайылтууга же пайдаланууга;
13) референдумдун жана шайлоо өнөктүктөрүнүн мезгилинде кызмат ордунун же кызматтык абалынын артыкчылыктарын жана административдик ресурстун
башка түрлөрүн пайдаланууга;
14) эгерде мыйзамдарда жана Кыргыз Республикасынын мыйзамдарына ылайык күчүнө кирген эл аралык келишимдерде башкача каралбаса, камкорчулук
же байкоочу кеңештердин, чет өлкөлүк коммерциялык эмес уюмдардын башка органдарынын башкаруу органдарынын жана Кыргыз Республикасынын
аймагында иштеп жаткан алардын бөлүмдөрүнүн курамына кирүүгө;
15) мыйзамдарга жана Кыргыз Республикасынын мыйзамдарына ылайык күчүнө кирген эл аралык келишимдерге ылайык жүзөгө ашырылуучу кызматтык
иш-сапарларды кошпогондо, жеке жана юридикалык жактардын каражаттарынын эсебинен Кыргыз Республикасынын чегинен сырткары кызматтык иш-сапарларга чыгууга;
16) жогору турган органдын же кызмат адамынын аракеттерин көпчүлүктүн алдында сынга алууга.
2. Ушул беренеде каралган чектөөлөр сакталбаган фактынын белгилениши кызматчыга карата ээлеген кызмат ордунан бошотууга чейин тартиптик
жоопкерчилик чараларын колдонуу үчүн негиз болуп саналат.
3. Кызматчы кызматын токтоткондон кийин бир жылдын ичинде төмөнкүлөрдү жасай албайт:
1) үчүнчү жактардын кызыкчылыгында анын компетенциясына кирген маселелер боюнча өзү мурда иштеген жери боюнча кайрылууга;
2) кызматта турган мезгилинде анын карамагына кирген иштер боюнча жеке же юридикалык жактын атынан аракеттенүүгө, бул ошол жеке же юридикалык жакка кошумча артыкчылык бермек.
4. Кызматчы мыйзамдарда каралган учурларды кошпогондо, коммерциялык уюмдардын башкаруу органдарында тура албайт.
5. Башка мамлекеттин жарандыгы бар кызматчы мамлекеттик органдардын жана жергиликтүү өз алдынча башкаруу органдарынын жетекчи кызмат орундарын
ээлей албайт.
17) медиатор катары иш жүргүзүүгө.
(2022-жылдын 6-июну № 41 КР Мыйзамынын редакциясына ылайык)
Ошондо кооперативге жөнеле мүчө болсоңуз, ага эч кандай чектөө жок. Боло бериңиз.
Нурыйман [15 Сентября 2022]
Мам.кызматкерлерди жана муниципалдык кызматкерлерди аттестациядан өткөруудө, 3 этаптын бирөөсүнөн аз балл алып калса, мисалы экөөнөн 16 балл копьютердик тестирлөөдөн 0 балл болсо өтө береби?
Ответ:
Урматтуу Нурайым. Конкурстун үч этабынан кийин конкурстук комиссия чечим кабыл алат. Мисалы муниципалдык оорунду ээлегенге татыктуу же жок деп. Сиз кайсы позицияга баратасыз, ал позицияда компьютер керекпи же жокпу - комиссия карап чечет. Кадр маселеси боюнча абдан көп укуктук ченемдик актылар бар. Кызматтар дагы көп, сиз кайсы позицияга баратканыңар белгисиз. Жөнеле жооп берип кою мүмкүн эмес, сиз мамлекеттик кадр кызматына телефон чалып, кайсы позиция менен баратканыңарды түшүндүрүп так жооп алыңыз.
