Абдулла [14 Апреля 2021]
Референдум жакында эле отту мыйзамдарга озгортуулор кирип калса айыл окмоттук кызмат дайындоо менен отуп калбайбы? Же болбосо райондун башчысынын сунушу керек болобу?
Ответ:
Урматтуу Абдулла, мыйзамдар жака өзгөрөрүн айтуу кыйын. Азыркы бийлик баарын борбордоштуруп жатышат, бирок өйдо жактан башчыны сунуштоо бул 30 жылга аотка кетүү болот. Жакшы нерсеге ишенип туралы, анчага кетпер.
Жибек [13 Апреля 2021]
Азыркы жаңы кабыл алынган конституциянын негизинде айыл өкмөт башчысын аким өзү дайындайбы, ал эми жергиликтүү кеңештин депутаттары жөн эле төраганы шайлайбыз???? Жергиликтүү Кеңештин депутаттары айыл өкмөт башчысына добуш берип шайлай албайбы
Ответ:
Урматтуу Жибек айым, Конституция эч кандай озгортүү алып келбейт жергиликтүү өз алдынча башкарууга. Аким эч качан дайындоого барбайт, укугу жок. Конституция боюнча мамлекеттик бийлик менен жергиликтүү өз алдынча башкаруу бир биринин ишине кийлигишпейт. Шайлоонун жыйынтыгы бекигенден кийин сиздер 1 сессияны өткөрөсүңөр, анан 10 күндүн ичинде кайра жыйын кылып айыл башчыны же мэрди шайлайсыңар. Эрежелерин жана сунуштарды видео жасап ютабка илип койгом. Rita Karasartova деген каналыма кирсеңер көп маалымат бар. https://youtu.be/G7lHcAW-upI
Руслан [13 Апреля 2021]
Саламатсызбы! Биздин айылдык кеңеште Айыл өкмөттүн главный бухгалтердин баласы айылдык депутат, атасы айылдын бюджетини депутаттарга бекиткени берет, баласы бекитип берет. Атасы главный бухгалтер болуп отурса, баласы айылдык кенеште депутат болуп отурса боло береби?
Ответ:
Урматтуу Руслан мырза. КР Мыйзамы, 2011-жылдын 15-июлу № 101, "Жергиликтүү өз алдынча башкаруу жөнүндө"
25-берене. Кызыкчылыктардын кагылышуусу
Жергиликтүү кеңештин депутаты кеңештин сессияларында же туруктуу комиссиялардын же жергиликтүү кеңеш тарабынан түзүлгөн башка органдардын жыйналыштарында жеке кызыкчылыгын, башкача айтканда өзү, анын жубайы, ата-энеси, балдары, бир туугандары жана эже, карындаш-сиңдилери үчүн материалдык пайданы көздөгөн маселени (жергиликтүү өз алдынча башкаруунун аткаруу органынын башчысын шайлоого тиешелүү маселелерден тышкары) кароого катышууга жана добуш берүүгө тийиш эмес.
КР Мыйзамы, 2016-жылдын 30-майы № 75, "Мамлекеттик жарандык кызмат жана муниципалдык кызмат жөнүндө"
22-берене. Мамлекеттик жарандык кызмат жана муниципалдык кызмат менен байланышкан чектөөлөр
1. Кызматчыга төмөнкүлөргө тыюу салынат:
8) аны менен жакын туугандык мамилелерде турган адамдардын түздөн-түз кол алдында же көзөмөлүндө болгон кызматтарда туруусуна;
43-берене. Кызыкчылыктардын кагылышуусу
1. Кызматчынын жеке (өзүнүн) кызыкчылыгы анын расмий милдеттерин же иш-милдеттерин аткарууга таасир тийгизиши мүмкүн болгон учурларда кызыкчылыктардын кагылышуусу пайда болот, бул жарандардын, уюмдардын же мамлекеттин укуктарын жана кызыкчылыктарын бузууга алып келет же алып келиши мүмкүн.
Жыйынтык: Бул көрсөтүлгөн беренелерге карасак, ата - бала кызыкчылыктардын кагылышуусуна алып келет экен, ошондо атасы кызматынан кетиш керек, же баласы депутаттык мандатын тапшырыш керек. Бирок, бул суроону кылдат карап чыгуу керек, анткени жергиликтүү кеңеш 11, 21 же 31, эки шаарда 45 мандаттан турат, бир адамдын добушу канчалык маселени өз кызыкчылыка буруп кетет - чоң суроо. Бирок мыйзамдардын беренесин түз колдонсо, кызыкчылыктын кагылуушусу болуп калат экен.
Абдулла [12 Апреля 2021]
Саламатчыздарбы, менин суроом. Айыл окмот башчысы кыргыз тесттен отуусу керекби? Мумкун болсо так тиешелуу керектелуучу талаптарды жазып коюнуздарчы.
Ответ:
Жергиликтүү өз алдынча башкаруу жөнүндө иыйзамына ылайык, 48-берене. Айыл өкмөтүнүн башчысына коюлуучу талаптар
2. Айыл өкмөтүнүн башчысынын кызмат ордуна талапкер карым-катыштын бардык чөйрөлөрүндө кесиптик ишти жүзөгө ашыруу үчүн коммуникативдик
компетенциянын деңгээлинде мамлекеттик тилди билүүгө тийиш, бул деңгээл Кыргыз Республикасынын Өкмөтү бекиткен "Кыргызтест" мамлекеттик тилди билүү
деңгээлин аныктоо тутумунун талаптарына ылайык "ортодон жогорку" деңгээл катары мүнөздөлөт. Тилди билүү деңгээли мамлекеттик тилди билүү деңгээли
тууралуу сертификат менен ырасталат.
Мамлекеттик тилди билүү деңгээли тууралуу сертификат тестирлөөнүн жыйынтыктары боюнча мамлекеттик тилди билүү деңгээлине баа берүү
чөйрөсүндөгү ыйгарым укуктуу мамлекеттик орган же мекеме тарабынан берилет.
Айыл өкмөтүнүн башчысынын кызмат ордуна талапкердин мамлекеттик тилди билүү деңгээли тууралуу өз сертификатын аймактык шайлоо комиссиясына
бербей коюусу, каттоодон баш тартууга негиз болуп саналат.
ВУС адис [6 Апреля 2021]
Саламатсызбы, муниципалдык кызматкер болуп иштеп жатып убактылуу иштен кетсе болобу? Мыйзам негизинде канча айга чейин бошотулса болот убактылуу? Угушум боюнча эмгек оргууго чыгып, 6 айга чейин кетсен болот дейт.
Ответ:
Урматтуу ВУС адиси. Эмгек кодексинин, 133-статья. Эмгек акы сакталбаган өргүү
Үй-бүлөдөгү шарттар жана башка жүйөлүү себептер боюнча кызматкерге жазуу жүзүндөгү арызы боюнча эмгек акысы сакталбаган өргүү берилиши мүмкүн, анын узактыгы кызматкер менен иш берүүчүнүн ортосундагы макулдашуу боюнча аныкталат.
Иш берүүчү кызматкердин арызынын негизинде төмөнкүдөй учурларда эмгек акысы сакталбаган өргүү берүүгө милдеттүү:
Улуу Ата Мекендик согуштун катышуучуларына жана жеңилдиктери боюнча аларга теңештирилген адамдарга, Чернобыль АЭСиндеги аварияны жоюуга катышкандарга - бир жылда 14 календардык күнгө чейин;
өлкөнү коргоодо алган жаракаттын, контузиянын же мертинүүнүн айынан же фронтто болгондугуна байланыштуу дартка чалдыгып курман болгон аскер кызматкерлеринин ата-энелерине жана жубайларына - жылына 14 календардык күнгө чейин;
иштеп жаткан ден соолугунун мүмкүнчүлүктөрү чектелүү адамдарга - жылына 60 календардык күнгө чейин;
кызматкерлерге - бала төрөлгөн, никеге катталган, жакын туугандары каза болгон учурларда - 5 календардык күнгө чейин;
ушул Кодексте, башка мыйзам актыларында, болбосо жамааттык келишимде каралган башка учурларда.
Кызматкер айлыгы сакталбаган өргүүдө болгон мезгилде анын жумуш орду (кызмат орду) сакталат.
Иш берүүчүнүн демилгеси боюнча кызматкерди кызмат акысы сакталбаган өргүүгө жиберүүгө жол берилбейт.
Икмат [6 Апреля 2021]
Муниципалдык кызматкер өргүүдө жүрүп, эмгекке жарамсыздык баракчасын алууга укуктуубу, эмгек кодексинде кандай каралган. Алдын ала рахмат.
Ответ:
Урматтуу Икмат. Эмгек кодексине ылайык, 129-статья. Акы төлөнүүчү ар жылдык өргүүнү узартуу же которуу
Акы төлөнүүчү ар жылдык өргүү төмөнкүдөй учурларда узартылышы мүмкүн: - кызматкер убактылуу эмгекке жарамсыз болсо;
Тилек [4 Апреля 2021]
Общественный фонддо бухгалтер болуп иштейм, айыл окмотко кандидатурамды койсом болобу? Стаж мин эки жыл экен гос служба да стажым жок.
Ответ:
Урматтуу Тилек. Жергиликтүү өз алдынча башкаруу жөнүндө мыйзамына ылайык, 48-берене. Айыл өкмөтүнүн башчысына коюлуучу талаптар
1. Жогорку билими жана мамлекеттик, муниципалдык кызматта иш стажы же билим берүү, саламаттык сактоо мамлекеттик мекемелеринде же жеке менчик
формасындагы уюмдардын, мекемелердин жана чарбакер субъекттердин жетекчилик кызматтарында 2 жылдан кем эмес иш стажы бар, мамлекеттик тилди
билген, аракетке жөндөмдүү Кыргыз Республикасынын жараны айыл өкмөтүнүн башчысы боло алат. Ушул беренеге ылайык сиз башчылыка кое албайсыз.
Кундузхан Маманазарова [14 Марта 2021]
Мен жергиликтүү кеңешке депутаттыка койдум эле, Кашкар Кыштак айылы, 9 мандаттуу округ, аялдардан 6 талапкер экенбиз, канча добуш алсам депутаттыка өтөм?
Ответ:
Саламатсызбы эжеке, талапкерлигиңизди койгонуңуз сонун болду. Жергиликтүү кеңештердин депутаттарын шайлоо жөнүндө мыйзамынын 59-1 беренесине ылайык 9 мандатту округда 3 мандат айымдарга резервделет. Бирок бул 3 резерв айымдарга кана багышталган эмес, эгер айылыңардын калкы жалаң айымдарды колдосо, анда 3 мандат мырзаларга резервделет.
Баян [14 Марта 2021]
Саламатсызбы! Жашылдандыруунун 10 жылдык мөөнөтү өткөндөн соң кызыл китеп алса болобу кандай жолдору бар?
Ответ:
Урматтуу Баян. Кыргыз Республикасынын Өкмөтүнүн 2008-жылдын 17-июнундагы №306 токтому менен бекитилген Асылдуулугу төмөн айыл чарба жерлерин өздөштүрүүгө жана айыл чарба өндүрүшүн жүргүзүүгө берүүнүн тартиби жөнүндө ЖОБОнун негизинде ишке ашырылат. Өздөштүрүлгөн жер
участогу пайдалануу мөөнөтү бүткөндөн кийин ушул Жобонун талаптарына ылайык менчикке берилсе болот.
Болот [9 Марта 2021]
Саламатсызбы! Биздин айыл өкмөтүнүн Жергиликтүү бюджетти бөлүштүрүүдө айыл өкмөттүн бухгалтери келет да мынча сумма бул жакка, баланча сумма бул жакка болунсун деп бат баттан эле бөлүштүрүп, ( заранее даярдап келип) бухгалтердин сөзүн түшүнмөк тургай угуп араң жетишкен депутаттар бухгалтердин айтканын колдоп эле кол көтөрүп бекитип коюшат. Ушу бюджетти бөлүштүрүунун жолу кандай, бухгалтер эле бөлүштүрүп коёбу же убакыт берүүсүн талап кылып ойлонуп туруп деле колдосо же өзгөртсө болобу депутаттар?
Ответ:
Болот мырза саламатсызбы. Сиздин суроо абдан маанилүү, анткени маселенин баары ушул жерден башталат. Азыркы учурда кандай жагдай түзүлүп калган. Жалпы мамлекетибизде 100 сом акча болсо, баардык жергиликтүү бюджеттерге (32 шаар + 452 айыл аймагы) 12 эле % каражат бөлүнөт. 88 % борбордон Каржы министрликтен чечилет. Ошентип баягы 12 % акча жергиликтүү бюджеттерде көпчүлүгү корголгон беренелерге колдонулат. Ал кайсы берене: айлык акы, соцфондке төлөм, коммуналдык чыгымдар. Өнүгүүгө же капиталдык статьяларга каражатты өзүн өзү баккан кана муниципалитеттер бара алышат. А бизде алар 20 % кана түзөт, 80 пайызы дотациялык, борбордун жардамы жок каржылана албайт. Ошондуктан, силер биринчи озүбүздү баккан айылга киребизби деп сурашыңар керек. Ошондо деле, бюджеттин проектисин алдын ала алып, эсебин чыгарып, кайсы багыт, эмне үчүн ушул жерге кетип жатат, кандай көрсоткүчтор бар деп суроо беришиңер керек. Дароо сессияга чыгарып кол кой дегени туура эмес.
