Санжар [8 Июля 2022]
Улуш жер беруу кайсы токтомдун негизинде токтотулган. Рахмат.
Ответ:
Урматтуу Сандар мырза. Үлүш жер беруу 2009 жылдын 5 февралында, №940-IV КР Жогорку Кенешинин Токтому менен айыл чарбасына жарактуу жерлерди кайра болүштүрүү фондунун жер участокторунун эсебинен, жер үлүшторүн берүү токтотулган.
Акмат [7 Июля 2022]
Саламатсызбы! Ашар жолу менен курулган ФАП бар.Эми ушул ФАПты айыл өкмөттүн балансына кандай жол менен кабыл алуу керек?Ушул маселе боюнча маалымат берип койсонуз. Алдын ала рахмат
Ответ:
Урматтуу Акмат мырза. Бул ФАП кимдин жерине курулган, ээси ким, ким курган, проектини ким жасатты? Ишке киргизүү актысы болуш керек, аны райондук комиссия (өзгөчө кырдалдардын өкүлүү, санэпидстанция, гостехнадзор ж.б түзөт) кол коюп чыгышы керек. Ошол документтин негизинде госрегистр каттап берет.
Тургун [30 Июня 2022]
Саламасызбы! 2007-жылы почтанын жеринин жарымы башка бир тургунга, участок жер катарында берилип кетиптир. Ушул мыйзамдуубу? Кайра жерин алсак болобу?
Ответ:
Урматтуу Тургун. Жер тилке маселеси, кандай болсо дагы сот аркылуу чечилет. Почта - бул мамлекеттик ишкана, ал жер мамлекеттики. Аны мамлекет кантип жер тилкеге бергенин аныктагыла. Балким ачык аукцион кылып саткан. Сиз кайра алсак болобу деп жазганыңызга караганда, почтада иштейт окшойсуз. Мыйзамсыз берилсе, кайтарса болот, сот аркылуу. Мыйзамсыз берилгенин аныктап сотко бериңиз.
Айым [29 Июня 2022]
Саламатсыздарбы? Мен, кадрлар резервине конкурска барып тестирлоодон башкы жана улук кызматтар учун, эки тесттен отуп келгем. 2-чи болугундо, комиссиядагылар беседага бир гана позицияны тандашын керек, бир штатка бир гана резерв коюлат деп, башкы кызматка откон учообуздон, экообуз башкы кызматтан баш тартып, улук кызмат учун гана ангемелешууго кирдик, ушул туурабы? Учообузду тен эле башкы кызматка резервке койгонго болбойт деген мыйзам барбы? Башкы кызматка откондор томонду коздой баардык кызматтарга бара беруу мумкунчулугу жокпу?
Ответ:
Урматтуу Айым. Кыргыз Республикасынын Өкмөтүнүн 2016-жылдын 29-декабрындагы № 706 токтому менен бекитилген "Кыргыз Республикасынын мамлекеттик жарандык кызматынын жана муниципалдык кызматынын Улуттук кадрлар резервин түзүүнүн жана иштешинин тартиби жөнүндө" ЖОБОдо "33. Мамлекеттик органда, жергиликтүү өз алдынча башкаруу органында бош кызмат оруну пайда болгондугу жөнүндө билдирүү түшкөндөн кийин ыйгарым укуктуу мамлекеттик орган тийиштүү квалификациялык талаптарга туура келген резервдегилерге конкурс өткөрүлө тургандыгы жөнүндө маалыматты электрондук почта аркылуу жиберет жана өзүнүн веб-сайтында жайгаштырат.
Башкы административдик мамлекеттик кызмат орундарын жана муниципалдык кызмат орундарын ээлөөгө Улуттук резервде турган адамдар кызмат орундарынын башкы тобунун административдик мамлекеттик бош кызмат орундарын жана административдик муниципалдык бош кызмат орундарын ээлөөгө конкурска катыша алышат.
Жогорку административдик мамлекеттик кызмат орундарын жана муниципалдык кызмат орундарын ээлөөгө Улуттук резервде турган адамдар кызмат орундарынын башкы жана жогорку тобунун административдик мамлекеттик бош кызмат орундарын жана административдик муниципалдык бош
кызмат орундарын ээлөөгө конкурска катыша алышат". Бир адам бир жерге резервге турган туура, бирок сиз улук кызмат орунга өтсөңүз, башкы кызмат орундарга барууга тосколдук жок.
Шамиль [22 Июня 2022]
Саламатсынарбы? Менин улуш жерим бар, ошол жерге бак-дарак, малина ж.б. тиктим. Улуш жерим айылдан 3 км.ойдо турат. Ошол тигилген бак даракты караш учун ошол жерге уй салып жашасам болобу? Анан салган уйго эмне документ алсам болот? Кененирек маалымат берип койсонуздар. Терен ыраазычылк билдирем.
Ответ:
Урматтуу Шамиль мырза. Сиз айткандай жер участоктор бар болсо, Жер кодексинин 73-беренеси "Айыл чарба багытындагы жерлерди пайдалануунун максаттары"
П.2. "Кыргыз Республикасынын жарандарына менчикке же пайдаланууга берилген жана калк жашаган пункттан жөө барууга алыс болгон айыл чарба багытындагы жерлерди пайдалануу үчүн айыл чарба жерлеринде пайдаланууга жарактуу болбогон жер участокторун же түшүмдүүлүгү аз айыл чарба жерлеринде имараттарды жана курулуштарды куруу үчүн жер участокторун менчикке же пайдаланууга берүүгө жол берилет. Имараттарды жана курулуштарды куруу үчүн жер участогун берүү ыйгарым укуктуу орган тарабынан жүргүзүлөт", ушул беренеде жазылган шарт болсо (мисалы сиздин жериңиздин жанында айыл чарбага жараксыз жер болсо), анда сиз акимиатка арыз менен кайрыласыз, жер бөлүнүп берилсе имарат салганга болот. Андай жер жок болсо, анда жериңиздин четине жеңил конструкциядан (мисалы контейнерден) үй салып койсо болот.
Жакин [22 Июня 2022]
Саламатсынарбы, менин суроом мындай: 1996 жылы берилген улуш жерлер кандай критерия менен берилди эле? Менин жолдошума берилген эмес, ошону эмне учун мындай болгонун тушуно албайбыз. Кайсы жылы ошол айылда жашаш керек эле? Же ошол айылда иштеш керек беле? Кандай адамдарга берилди, эмне болуш керек эле, ошол эл алган улуш жерди алыш учун? Сураныч, ушул суроого кенен жооп берип коюнуздар.
Ответ:
Урматтуу Жакин. Сиздин жолдошуңуз үлүш жерин албай калган себеби: 1. ошол кезде айылында учетто болгон эмес; 2. кошумча тизмелерди түзүшкөндө, ошол маалыматка ээ болбой, ал тизмеге кирбей калган. Башка жер албай калганына негиз жок. 1 январ 1996 жылга чейин кайсы бир айылда учету болуш керек болчу. Учетто турган дамдар алышкан.
БЕК [6 Июня 2022]
Саламасызбы. Муниципалдык жерди ишкерелерге же юридикалык жактарга нан бышыруу цех же мал соючу жай курууга ижарага бере алабызбы? КР 571 токтому менен бере алсак канча жылга кандай келишим менен? Себеби муниципалдык жерге ижара катары бергенде капиталдык курулуш куруп койсо мыйзамдуубу? Жана, ижара мооноту бутсо ижарачы менен пикир келишпей соттошуп калбайбызбы?
Ответ:
Урматтуу Бек мырза, 571 токтомду окууп чыксаңыз керек. Ал жерде ижарага берүү тартиби көрсөтүлүнгөн. Жобонун негизинде комиссия түзүлүп, алар чечим чыгарышат. Ижара мөөнөтүү 50 жылга чейин деп турат. Капиталдык курууга тыйуу деле жок, бирок ижарага алынган жер эч качан менчик болуп калбайт. Ижара мөөнөтү аяктагансоң, кайра ижарага берүүгө конкурс кылсаңар болот. Баарын комиссия чечет. Депутаттар комиссиянын ишин көзөмөлдөп турушу керек. Канча жылга, кандай акыга, кайсы ишке бергенин.
Акыл [2 Июня 2022]
Аскердик каттоо болумундо 3 штаттык бирдиги белгиленген. 2 штат бирдиги жумуш алып барууда, ал эми 1 штат бирдигин айлык акысын адистер болуп алууга укугу барбы же ошол бир штаттын айлык акысы айыл окмоттун бюджетинин эсебине сакталып калабы? Маалымат берип койсонуздар.
Ответ:
Урматтуу Акыл мырза. КЫРГЫЗ РЕСПУБЛИКАСЫНЫН ЭМГЕК КОДЕКСИнин "Кесиптерди (кызмат орундарын) айкалыштыргандагы жана убактылуу жок кызматкердин милдетин аткаргандагы эмгек акы" 167-беренеде
"Бир эле иш берүүчүдө эмгек келишиминде шартталган өзүнүн негизги жумушу менен катар башка адистикте, квалификацияда же кызмат орунунда негизги жумушунан бошотулбастан кошумча жумуш аткарган кызматкерге кесиптерди (кызмат орундарды) айкалыштырганы же убактылуу жок кызматкердин милдеттерин аткарганы үчүн кошумча акы төлөө жүргүзүлөт.
Кесиптерди (кызмат орундарды) айкалыштырганы же убактылуу жок кызматкердин милдеттерин аткарганы үчүн кошумча акылардын өлчөмдөрүн иш берүүчү кызматкер менен макулдашуу боюнча аныктайт, бирок айкалыштырылган иш боюнча ставканын (айлык акынын) отуз пайызынан аз болушу мүмкүн эмес". Ошондо, мыйзамга ылайык, штаты бар, бирок кызматкери жок болгон учурда, башка кызматкерлер ал ишти аткарып жатышса, айлык акыны кошуп берүүгө кодекс жол берет. Созсүз түрдө буйрук чыгарып, аткаруучунун макулдугу менен ишке ашышы керек.
Акмат [1 Июня 2022]
Камсыздандыруудан уйлорду откоруу үчүн инвалидер канча толош керек.
Ответ:
Урматтуу Акмат мырза. Камсыздандыруу төгүмдөрүн төлөөдөн төмөнкү адамдар толук же жарым-жартылай бошотулат:
1) турак жайлардын менчик ээлери - Улуу Ата Мекендик согуштун ардагерлери жана Ленинградды коргоонун катышуучулары:
- I, II, III топтогу майыптыгы аныкталган ден соолугунун мүмкүнчүлүктөрү чектелүү адамдар - камсыздандыруу төгүмдөрүн толук төлөөдөн бошотулат;
- I, II топтогу майыптыгы бар тыл кызматкерлери - камсыздандыруу төгүмдөрүн толук төлөөдөн бошотулат;
- III топтогу майып тылда иштегендер - камсыздандыруу төгүмдөрүн төлөөдөн 50 пайызга бошотулат;
- Улуу Ата Мекендик согушта курман болгон аскер кызматчыларынын үй-бүлөлөрү - камсыздандыруу төгүмдөрүн толук төлөөдөн бошотулат;
2) Чернобыль АЭСиндеги авариянын кесепетинен жабыркаган турак жайлардын менчик ээлери:
- майыптыгы боюнча I, II топтогу майыптар - камсыздандыруу төгүмдөрүн толук төлөөдөн бошотулат;
- III топтогу майыптыгы бар адамдар камсыздандыруу төгүмдөрүн төлөөдөн 50 пайызга бошотулат;
- Чернобыль АЭСиндеги кырсыктын кесепеттерин жоюуга катышкандардын каза болгон жесирлери - камсыздандыруу төгүмдөрүн төлөөдөн 50 пайызга бошотулат;
3) турак жайлардын менчик ээлери - Афганистандагы согуштук аракеттердин катышуучулары:
- майыптыктын I, II топтору ыйгарылган ден соолугунун мүмкүнчүлүктөрү чектелүү адамдар - камсыздандыруу төгүмдөрүн толук төлөөдөн бошотулат;
- III топтогу майыптыгы бар адамдар камсыздандыруу төгүмдөрүн төлөөдөн 50 пайызга бошотулат;
4) турак жайлардын менчик ээлери:
- майыптыктын I, II топтору ыйгарылган ден соолугунун мүмкүнчүлүктөрү чектелүү адамдар - камсыздандыруу төгүмдөрүн толук төлөөдөн бошотулат;
- III топтогу майыптыгы бар адамдар камсыздандыруу төгүмдөрүн төлөөдөн 50 пайызга бошотулат;
5) турак жайдын менчик ээлери - жалгыз жашаган улгайган жарандар - камсыздандыруу төгүмдөрүн төлөөдөн 50 пайызга бошотулат;
6) аз камсыз болгон үй-бүлөнүн социалдык паспорту бар аз камсыз болгон үй-бүлөлөр камсыздандыруу төгүмдөрүн төлөөдөн 50 пайызга бошотулат.
Турак жайдын менчик ээсинде бир нече турак жай бирдиги болгон учурларда, жеңилдиктер турак жайдын 1 бирдигине гана колдонулат.
Талант [1 Июня 2022]
Саламатсыздарбы! Айыл окмотунун жооптуу катчысы, айылдык кенештин ишин алып барат, эгерде айылдык кенештин жооптуу катчысы жок болсо деген мыйзамда бар. Ошол жооптуу катчы, айылдык кенештин ишин толук кандуу жургузбой, депутаттар тарабынан ишенбоочулүк корсотулсо, жооптуу катчынын ордуна убактылуу башка адамды алууга болобу? Кадр кызматы болбойт дейт. Ушул маселеге кенири маалымат берип койсонуздар. Алдын ала рахмат.
Ответ:
Урматтуу Талант мырза. "Жергиликтүү мамлекеттик администрация жана жергиликтүү өз алдынча башкаруу органдары жөнүндө" мыйзамынын Жергиликтүү кеңештердин ишин уюштуруучулук жактан камсыз кылуу деген 38-беренесинде "1. Шаардык кеңештердин ишин Министрлер Кабинети аныктаган типтүү нормативдердин негизинде шаардык кеңештер түзүүчү - аларды аппараттары, айылдык кеңештердин ишин айыл өкмөттөрүнүн аппараттары камсыз кылат. Калкынын саны 6001 адамдан ашык болгон айылдык кеңештердин ишин айылдык кеңештердин жооптуу катчылары камсыз кылат" деп турат. Эгер силердин АО жашоочулардын саны 6000 кем болсо, анда АО жоопту катчысы алып барууга милдеттүү деп мурунку мыйзамда камтылган, азыркы мыйзамда андай жазылбай калыптыр. Бирок аткарылышы керек. Ишенбөөчүлүк көрсөтүүгө укугуңар жок. Жергиликтүү кеңеш шайлап алган АО башчысына кана кайрылып чара көрүүнү талап кыла алат, эмгек кодексинин негизинде. Ордуна башка адам алалбайсыңар.
