Асан [24 Апреля 2018]
Саламатсыздарбы. Мурдагы суроомду толуктап кетейин .Жайыт жерлер 1995 жылдары улуш берилип жаткан учурда тиешелуу айдоо жерге кошуп жайыттан оздошторуп алууга жеке менчикке 5 гектардан алып алышкан .Азыркы убакка чейин мамл. бир да сом тогулбой келе жаткан..Менчиктин туру жеке Менчик ээси
Ответ:
Асан мырза саламатсыңарбы. Мындай суроого биз документти көрмөюн жооп бере албайбыз. Имиш деген суроого тура эмес жооп берсек, кийин бизге шилтеме жасап, кандай бир көйгөй жаралышы мүмкүн. Ошол жердин документтери бар болсо, аны сканерден өткөрүп, ушул сайттын КОНТАКТЫ деген бөлүмүнөн биздин электрондук даркти алып жиберип койгулачы, же сүрөткө так тартып (0554) 620484 whatsappка жиберсеңер так жооп жазып беребиз. Анан дагы айтып кете турган нерсе, мурдагы суроомду толуктап деген жарабайт, биз мурдагы сурооңордү издегенге убакыт болбой калат, адамдар көп кайрылгандыгынан, көп документти талдоого тура келет. Ошондуктан суроңорду так жазсаңар, так жооп аласыңар.
Мырзатаев Нурдинбек [24 Апреля 2018]
Урматтуу Рита Карасартова менин сиздерден сурайын дегеним Мен 2006-жылдан бери айыл окмотундо салык кызматкери болуп иштеп келем. Бугунку кундо аскердик билет жок болгондуктан кызматтан кетууго туура келеби же жокпу . Ушуга жооп берип коюсуздарбы алдан ала рахмат.
Ответ:
Урматтуу Нурдинбек! Кыргыз Республикасынын Эмгек кодексинин 64-беренесинин эмгек келишимин түзүүдө көрсөтүлүүчү документтердин тизмесинде төмөнкүдөй талаптар көрсөтүлгөн: " Эмгек келишимин түзүүдө ишке орношуучу адам иш берүүчүгө төмөнкүлөрдү көрсөтөт: паспорт же инсандыгын ырастоочу башка документ; эмгек китепчеси; социалдык коргоо күбөлүгү; аскердик эсепке алуу документтери (аскерге милдеттүүлөр жана аскердик кызматка чакырылууга тийиш болгон адамдар), ал эми атайын билимдерди (даярдыктарды) талап кылган ишке кызматкер билими жөнүндө (адистиги, квалификациясы) документти; 18 жашка чейинки курактагы адамдарды тарбиялоо, окутуу жана тейлөө менен байланышкан иштерде иштөөсү үчүн соттуулугунун жоктугу тууралуу маалымкатты көрсөтөт ". Демек, Сиз Эмгек кодексинин бул беренесине ылайык эмгекке жарамдуу куракта болсоңуз бул талапты аткарууга милдеттүүсүз.
Шумкарбек [23 Апреля 2018]
Арзыркы мыйзамдар боюнча жайыт жерлерди оздоштурсо болобу. Болсо кантип кимге кайрылабыз. Канча убакыттан кийин озубузго откоруп алсак болот.
Ответ:
Урматтуу Шумкарбек мырза саламатсыңарбы. 2 июн 1999 жылы № 45 "Жер кодекси" кабыл алынган, ошол убакыттан баштап өздөштүрүү маселеси тарыхта калган. Азыр жайыттар мамлекеттик жер болуп эсептелинет, аны ижарага кана алса болот. Жердин колдонуу максаты өзгөрсө дагы, мамлекет трансформация маселесин мыйзам менен жөнгө салат.
Анара [23 Апреля 2018]
КРОнун 20.06.2006-жылдагы № 449 менен бекитилген Жобонун толугу менен бересиздерби?
Ответ:
Урматтуу Анара! Сиз сураган токтомду жана анын жобосун биздин сайттын " Законодательство" бөлүмүнөн таап окуй аласыз, жакында илип коебуз.
Тимур [19 Апреля 2018]
Айылдык кенештин токтомдорун жокко чыгарса болобу болсо кандай?
Ответ:
Урматтуу Тимур! " Кыргыз Республикасынын укуктук ченемдик актылары жөнүндөгү" Мыйзамы ченем чыгаруучу орган болгон айыл кеңештерге өзүнүн укуктук ченемдик актыларын (токтомдорду) чыгарууга, ошондой эле жокко чыгарууга же токтото турууга укук берет ( "Кыргыз Республикасынын укуктук ченемдик актылар жөнүндө" мыйзамынын 10-беренеси 1-б.5-абзацы). Айылдык кеңештер өз токтомдорун жана мурунку чакырылыш тарабынан кабыл алынган токтомдорду төмөнкү учурларда жокко чыгарууга укуктуу: - ченемдик укуктук акт эсеп кылынган мөөнөт бүткөндө; -жаңы ченемдик укуктук акт кабыл алынганда ага мурда кабыл алынган ченемдик укуктук актынын жоболору каршы келгенде же ченемдик укуктук актыны өзүнө сиңирип алганда; - мыйзамда белгиленген тартипте тарабынан күчүн жоготту деп таанылганда же актынын колдонулушу токтотулганда. Айылдык кеңеш тарабынан кабыл алынган токтомдор мыйзамдарга ылайык болуусу абзел жана жергиликтүү маанидеги маселелерди чечүүгө багытталышы зарыл, башкача айтканда токтом өзүнөн салыштырмалуу кыйла жогору юридикалык күчкө ээ болгон Конституцияга, конституциялык мыйзамдарга, кодекстерге жана мыйзамдарга каршы келбей, аларга ылайыктуу болуш керек.
Уланбек [19 Апреля 2018]
Суроо. ФПС эмес введение айыл окмоту государство деп калып калган сугат айдоо, кайрак айдоо чабынды жерлерди элдер коп жылга ижарага жемиш бак тигебиз деп А/О сурап жатышат. Кандай жол менен берсе болот? Же болбойбу? Жообун эртелетсенер.
Ответ:
Урматтуу Уланбек мырза. Алгач айыл өкмөт Райондук мамлекеттик жерге жайгаштыруу башкармалыгынан ушул жер аянты тууралуу тыянак (заключение) алышы керек. Андан кийин ал жердин ээсин аныкташы керек, эгер аныкталбаса, жергиликтүү бийлик ал жер аянттын муниципалдык менчике алуу аракеттерин жасоосу зарыл. Бул аракеттерди жасаганга чейин А/О айылдык кеңештин макулдугун алып, аукцион же конкурс жолу менен ижарага берип пайдаланса болот. Жердин категориясын, ээсин аныктамайын узак мөөнөткө, жемиш бак тигүгөө берилбегени туура.
Универсал [19 Апреля 2018]
Саламатсыздарбы. Мен клуб башчысымын. Худрук штат бар. Ал бала иштебей кетип калды. Анын ордуна киши алгыча мен анын 1ставка айлыгын алсам болобу же 0,5 менен иштей берсем болобу? Рахмат.
Ответ:
Урматтуу Универсал. Бул маселени А/О башчысы менен райондук маданият бөлүмү биргелешип чечишет.
Асан [19 Апреля 2018]
Салам. Менде суроо айылдын четиндеги жайыт жерлерди бай адамдар зым менен коруп алып, жемиш бактарын тигип жатат. Алар 2009 -ж.чейин жайыт жерин оз эсебинен оздоштуруу менчикке алуу токтомдору 1995-ж рай.адм.госактысы барларды, элден сатып алууда. А бирок ал жерлер ушу кунго чейин иштетилбей жайыт бойдон жаткан. Айыл элин, малын кубалап жатат. Ошол менчик кагаз канчалык мыйзамдуу? Негизи жайыттан оздоштуруу деп алган токтому барлар жерлерин коруп алса, элдин малы кай жерден оттойт? Жер комиссия А/О буга чейин ошол жерлерди тактап коюш керек беле? Рахмат.
Ответ:
Урматтуу Асан мырза. Сизге так жооп берүү үчүн сизден төмөнкү тактап бериши ңиз керек: өздөштүрүгө жайын жерлерди качан жана кантип берилген; бул жерлер азыркы күндо менчиктин кайсы формасында турат; ошол жерлерди максаттуу пайдалангандыгы туралуу өнүндө далилдеген актылар барбы; ижара жана салык төлөмдөрү толөнүлгөнбү?
Бектемир [17 Апреля 2018]
Айыл өкмөтү, Акимият жөнүндө мыйзамдарды так туурасын кайдан окуп билсе болот? Ссылка болсо жазып койсоңуздар.
Ответ:
Бектемир мырза саламатсыңарбы. 2011-жылдын 15-июлу № 101 КР "Жергиликтүү өз алдынча башкаруу жөнүндө" мыйзамы, 2011-жылдын 14-июлу № 96 КР "Жергиликтүү мамлекеттик администрация жөнүндө" мыйзамы. Бул мыйзамдар ушул сайттын Законодательство деген бөлүгүнөн таба аласыз.
Бектемир [17 Апреля 2018]
Саламатсызбы Айыл окмот башчысын жумуштан ала алат, жана кандай учурда Аким жумуштан бошотот? Райондун акими эмне жумуштарды кылат? Негизги милдети кандай?
Ответ:
Бектемир мырза саламатсыңарбы. Сиздин берген сурооңузга жоопту КР "Жергиликтүү мамлекеттик администрация жөнүндө" мыйзамында так көрсөтүлгөн. Тактап кетсек 9-берене "Жергиликтүү мамлекеттик администрациянын компетенциясы". 11-берене "Акимдин ыйгарым укуктары". Бул мыйзам ушул сайттын Законодательство деген разделинен алсаңыз болот. Окуп, сиздердин мамлекеттик администрацияңар эмне иш менен алек болгонго милдети жана укугу бар экенин билип аласыңар.
