Улан [19 Января 2019]
Саламатсызбы Самыйбек ава. Менде бир суроо жайытта турган таш короо курулма жана урандылар гипроземдин инвентаризацияда картага тушкон. Аны 2019-жылдан баштап жаны карта ишке кирет деп жатат. Жайыт жерлерин менчикке жана арендага берилбейт деген мыйзам бар ушул жагы кандай болот, жооп берип койсонор. Мыйзамдуулугу жол жобосун жазып койсонор. Рахмат
Ответ:
Урматтуу Улан! Биринчиден сурооңузга бир аз кечирээк жооп бергениме кечирим сурайм. Сиздин сурооңузга так жооп алуу үчүн Кыргыз Республикасынын айыл чарба, тамак-аш өнөр жай жана мелиорация министрлигинин “ Кыргызмамжердолбоорлоо” жерге жайгаштыруу боюнча мамлекеттик долбоорлоо институту мамлекеттик ишканасына ( кыска айтылганы - "Кыргызмамжердолбоорлоо" МДИ) кайрылып кат жөнөткөнбүз. Биздин 28-январдагы катыбызга 11-февралда (13-күндөн кийин) жооп келди, анда: “инвентаризациянын материалдары Кыргыз Республикасынын Өкмөтү бекиткенден кийин жумуш аякталды деп эсептелет жана жаңы инвентаризация материалдары тиешелүү мамлекеттик органдарга колдонууга берилет. Ал эми “ Кыргызмамжердолбоорлоо” МДИнун корутундусу арыздын негизинде жана арыз ээси тарабынан берилген счет-фактура боюнча атайын эсептик счетко каражат төлөнүп же которулгандан кийин гана берилет”-деп айтылган. Кыргызда “бөдөнөнү сойсо да казапчы сойсун” дегендей өлкөдөгү жерлерге инвентаризация жүргүзгөн ишканага кайрылган сурообузга келген жооптун мазмуну ушул, катка иш билген, ишти түшүнгөн адис жооп бербей эле, кагаз менен иштеген кыздардын бирөөсү канцелярдык типтүү жооп берип койгону көрүнүп турат. Улан мырза, сиздин сурооңузда акча төлөгөндөй жердин картасы же ж.б. маанилүү маалыматтар тууралуу эмес эле, мейли эми расмий жоопту инвентаризация иштери толук бүткөндө ( качан бүтөрү белгисиз, токтомдогу бүтүү мөөнөтү 2018-жыл болчу), өзүңүздүн айыл өкмөттөн тааныша аласыз.
депутат [17 Января 2019]
Саламатсыздарбы, Айыл өкмөтүнүн башчысы айыл башчысын кызматтан четтетүү жөнүндө мыйзамсыз буйрук чыгарып, сот айыл өкмөттүн башчысына штраф салган. Ошол штрафты жергиликтүү бюджеттен төлөп берсе болобу?
Ответ:
Урматтуу Депутат! Мыйзамсыз чыгарылган буйрук боюнча сот тарабынан салынган административдик айып пул жергиликтүү бюджеттин эсебинен төлөнбөйт. Буйрукту чыгарган, ага кол койгон жетекчинин эсебинен төлөнөт.
Бекболот [16 Января 2019]
Саламатсыздарбы. Жергиликтуу кенешт таркатуунун кандай жол жобосу бар? Анткени бюджетти бекитууго сессияга 11депутаттын 7си келбейт. Алардын коздогон максаттары оздорунун кыы жергиликтуу элдин кызыкчылыгы эмес оздорунун жеке баштарынын кызыкчылыгын коздошуп кенештин торогасын Оз конулун менен кетууго арыз жаз деп иштоого мумкунчулук бербей айыл окмотуно кошо тоскоолдук кылып жатышат кайсы жол менен кандай кылсак туура болот же таркатуунун жолу кандай убактыныз болсо тел.аркылуу байланышсак менин тел.ном.0708808868
Ответ:
Урматтуу Бекболот! Кыргыз Республикасынын “ Жергиликтүү өз алдынча башкаруу жөнүндөгү” мыйзамынын 39-беренесине ылайык жергиликтүү кеңештердин ыйгарым укуктарын токтотуунун тартиби жана учурлары жөнгө салынат. Сиздердин шартта айылдык кеңештин депутатарынын жалпы санынын добуштарынын үчтөн экиден кем эмес көпчүлүгүнүн чечими боюнча өзүн-өзү тарката алат. Пайда болгон кырдаалдан чыгуу үчүн бардык депутаттар чогулуп, түзүлгөн абалды талкуулап, коомчулук кызыкчылыгын эске алуусу керек. Депутаттар биринчиден өздөрүн эл өкүлдөрү болорун, эл үчүн иш алып барарын унутпашы керек. Кандай кырдаал болсо дагы айыл өкмөттүн быйылкы бюджетин айыл кеңеш өз учурунда карап бекитип берүүсү зарыл, бул алардын милдети. Башкысы, айылдык кеңеш айыл өкмөттүн ишине тоскоолдук жаратпашы керек.
айыл башчы [16 Января 2019]
Саламатсыздарбы. Мен сиздерден жардам алып жатканыма ыразымын. Ишинерге ийгилик, ден соолукта болгула. Бир чоон маселе болуп жатат. А\О башчысы, жер адиси жана юрист болуп 2015-жылдагы Кыргипрозем кызматкерлери жерлерге инвентаризация жургузгон. Ал жаны картага айылдардагы кийинки салынган кашарлар, таш короолор жана бузулган курулуштар тушурулгон. Жаны карта менен иш боло элек эмнегедир. Жогору жактан уруксаат болбой жатат, дейт. Ал эми кийинки салынган кашарлар, таш короолор жана бузулган курулуштардын ээлери бар. Ээлерине Гипроземден корутунду чыгарып келип беребиз деп 2000 сомдон жыйнап кетишти. Баардыгы 30-40тай заключение болуптур. А\О башчысы, жер адиси жана юрист болуп ал жерлерди кайра кийинки ээлерине токтом чыгарып бере элек. Аукцион кылабыз дейт. Бул жагы мыйзамдуубу? Ушул маселе тууралуу кенениреек маалыматтарды берсениздер жакшы болмок эле. Дегеле бул жерлер тууралуу кандай тепкичте кандай, документациялар даярдалышы керек эле. Алдын ала чоон рахмат.
Ответ:
Урматту айыл башчы, салынган кашарлар, таш короолор жана бузулган курулуштардын ээлери, ошол курулуштарды илгери улуш катары алса, ал курулуштарга аукцион откорулбойт. Ээлери илгерки токтомдорду таап госрегистрден каттатып алышы керек.
Сабыл [16 Января 2019]
Саламатсыздарбы,жаны жылыныздар менен.Айыл окмот башчысы озу чыгарган буйрукту жокко чыгара алабы.Менин билишимче жокко чыгара албайт.
Ответ:
Урматтуу Сабыл! Айыл өкмөт башчы өзүнүн буйругун өзү жокко чыгара алат, себеби айыл өкмөттүн башчысы кызмат адамы катары өзүнүн чечимдерин, тескемелерин жана буйруктарын жокко чыгаруу укугуна ээ. Эгерде айыл өкмөтүнүн башчысы өзүнүн мыйзамга каршы келген актысын жокко чыгарбаса, анда “ Жергиликтүү өз алдынча башкаруу жөнүндөгү” мыйзамдын 12-беренесине ылайык ал жазыктык жана административдик жоопкерчиликке тартылат. Ал эми прокурордук чара көрүү ( каршылык кат,эскертме, сунуштама) актылары айыл өкмөт башчысынын Конституцияга,кодекске, мыйзамга жана башка ченемдик укуктук актыларга карама-каршы келген чечимин токтото туруу, жокко чыгаруу же күчүн жоготту деп табуу үчүн негиз боло алат. Прокурордук чара көрүү актысы четке кагылган учурда, прокурор сотко кайрылууга укуктуу.
Куршаб онуктуруу фондунун мучосу Нурбек [14 Января 2019]
Саламатсыздарбы. Биз, Куршаб айылынын жаштары, айылды көтөрүү боюнча демилге көтөруп, Куршаб өнуктуруу фондуну тузгөнбуз. Учурда жергиликтуу жамааттын мучөлөру айыл Өкмөтунө ар кандай көйгөйлөр менен кайрылышат. Ал эми айыл Өкмөту калкка сапаттуу муниципалдык кызмат көрсөтуу боюнча бирдиктуу терезе ыкмасына өтууну көздөп, имаратты ынгайлайлаштыруу жана компьютер менен камсыздоо маселелерин чечкен, эми ишке киргизуу учун программалык камсыздоо жана кызматкерлерди окутуп уйрөтуу маселелерине Өкмоөттук эмес уюмдар тарабынан көмөк көрсөтулушунө таасир беришиниздерди суранабыз.
Ответ:
Урматтуу Куршаб өнүктүрүү фондунун негиздөөчүлөрү. Ушул жыл Өкмөт тарабынан региондорду өнүктүрүү жана цифровизация жылы деп жарыяланды. Ушул демилгелердин алкагында сиз суранган маселе дагы ишке кирет. Сиздердин айылыңарды, эң биринчи пилоттук долбор катары киргизгенге сунуштайын. Сиздер менен байланышабыз.
Бектур [10 Января 2019]
Саламатсызбы менин суроом томондогучо мен жетекчи болуп иштейм, зам (орун басар) жетекчини укпайт оз алдынча жетекчи болуп жетекчиге баш бергиси келбей журот кандай жол менен кетирсем болот жумуштан статя барбы
Ответ:
Урматтуу Бектур! Эгерде Сиз айыл өкмөтүнүн башчысы болсоңуз, анда сиз шайлануучу кызмат адамысыз, айыл аймагынын жергиликтүү өз алдынча башкаруусунун аткаруу органынын жетекчиси болуп эсептелесиз. Сиздин айыл өкмөт башчысы катары ыйгарым укугуңуз Кыргыз Республикасынын “ “Жергиликтүү өз алдынча башкаруу жөнүндөгү” мыйзамынын 50-беренесинде так көрсөтүлгөн: Анда “Айыл өкмөтүнүн башчысы:
1) айыл өкмөтүнүн ишине жетекчилик кылат жана анын натыйжаларына жооптуу болот жана ошодой эле Кыргыз Республикасынын мыйзамдарына ылайык айыл өкмөтүнүн башчысынын орун басарын, айыл өкмөтүнүн аппаратынын кызматкерлерин кызматка дайындайт жана андан бошотот.”
Ушул эле мыйзамдын 51-беренесинде Айыл өкмөтүнүн башчысынын орун басары тууралуу төмөнкүдөй айтылган :.”
1. Айыл өкмөтүнүн башчысынын орун басары ал жок болгон учурда анын ордуна иштейт жана айыл өкмөтүнүн башчысы тарабынан жүктөлгөн милдеттерди аткарат... Айыл өкмөтүнүн башчысына коюлуучу талаптар жөнүндө жоболор бирдей өлчөмдө анын орун басарына да колдонулат...
3. Айыл өкмөтүнүн башчысынын орун басары конкурстун натыйжалары боюнча айыл өкмөтүнүн башчысы тарабынан дайындалган муниципалдык кызматчы болуп саналат.
4. Айыл өкмөтүнүн башчысынын орун басарын кызмат ордунан бошотуу администрациялык кызмат орундарын ээлеген муниципалдык кызматчылар үчүн каралган негиздер боюнча жана тартипте айыл өкмөтүнүн башчысы тарабынан жүзөгө ашырылат.
6. Айыл өкмөтүнүн башчысынын орун басары айыл өкмөтүнүн башчысынын алдында аткаруучу иш-милдети үчүн жооптуу болот.” Андан тышкары Кыргыз Республикасынын “Мамлекеттик жарандык кызмат жана муниципалдык кызмат жөнүндө” мыйзамы жана Кыргыз Республикасынын Өкмөтүнүн 2004-жылды 23 - февралындагы N 91 токтому менен бекитилген “Кыргыз Республикасынын айылдарынын жана поселкаларынын жергиликтүү өз алдынча башкаруу органдарынын кызматкерлеринин типтүү кызматтык нускамаларына”ылайык иш алып барууңуз керек. Урматтуу Бектур, Сиз жетекчи катары орун басарыңызды жумуштан кантип кетирүүнү ойлонбой, кайра тажрыйбасы бар муниципалдык кызматкерди натыйжалуу иштетүүгө аракет жасаңыз. Кыргыз элинде эр чекишпей бекишпейт” –деген кеп бар, экөөңөр акылдашып, сүйлөшүп туруп, “кеңешип кескен бармак оорубайт” дегендей эл үчүн биргелешип жакшылап иштеп беришиңер керек.
Асан кайгы [6 Января 2019]
Саламатсыздарбы.Жаны жылыныздар менен. Менде суроо:Менчиктештируу убагында айылдын четиндеги сарайды 2 киши жарым жарымдан мамлекеттен сатып алып бироосу сатып салды.Токтому бар экен.Ошол кезде экооно тен токтомдор берилиптир.Бирок бироонун документтери белгисиз себептер менен жоголуп кетет.Рай архивде да обл.архивде.да жок.ошол учурда архивге отпой калгандай.Ал жерди сат деп келип жатат .документ жок сата албай жатат.Канткенде кантип кандай кагаз даярдалат.Ошол ж-до жооп берсениздер.Рахмат
Ответ:
Урматтуу Асан мырза! Сиздин сурооңузга жооп көп этаптан турат. 1. Гос регистрден биринчи саткан кишинин документтеринин арасынан карашыңар керек. Бир токтом эки кишиге жазылып калса, анда ошонун көчүрмөсүн алса болот. Ошол токтом болсо анын негизинде өзүңүзгө каттап, кызыл китеп алып сатсаңар болот. 2. Эгерде андай документ табылбаса, анда сотко кайрылып ошол менчикти соттун чечими менен өзүңүзгө каттасаңар болот. Ал үчүн кошунаңар ушул жер сизге тийиштүү болгонун далилдеп бериши керек, жана төлөгөн салыктардын квитанциялары менен далил келтиришиңер керек.
Айзат Табалдиевп [2 Января 2019]
Саламатсынарбы менин суроом жолдошум экообуз тен иштебейбиз эки балабыз бар жолок пул ала алабызбы айыл жеринде турабыз документ ер аркылуу уйубуз да жок
Ответ:
Урматтуу Айзат айым! Бул маселени чечиш үчүн өзүңүз жашаган айыл өкмөтүнүн социалдык маселелер боюнча адисине кайрылууңуз керек. Ал адис Сизге мыйзамга ылайык эсептөөлөрдү жүргүзүп, жөлөк пул берилери же берилбеши тууралуу жооп берет. Сурооңузга так жооп алуу үчүн айыл өкмөткө кат жүзундө кайрылсаңыз 14 күндүн ичинде жооп ала аласыз.
Талант [29 Декабря 2018]
Салам келе жаткан майрамынар менен! А/О депутарына тендирге окуга кантрагын окмоттон толоп берсе болобу
Ответ:
Урматтуу Талант мырза! Сиздин сурооңузга чоң рахмат. Кыргыз Республикасынын Сатып-алуу жөнүндө мыйзамында айылдык аткаруу бийликтин кызматкерлери сертификат алууга милдеттүү, бирок айыл кеңештин депутаттарга сертификат алууга окуу үчүн бюджеттен төлөп бергенге болбойт. Ал эми тендирдик комиссияга мүчө болуп киргенге укугу бар.
