Депутат [14 Сентября 2022]
Биз айыл аймакта 11 депутатбыз. Жергиликтүү кеңештин төргсына ишенбечилик көрсөтүп түшүрөлүк дегенбиз. Аны кантип мыйзам чегинде ишке ашырсак болот?
Ответ:
Урматтуу депутат. Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамынын 40-беренесмнде жергиликтүү кеңештин төрагасы жонундо 4 пунктунда жазылган:
«Жергиликтүү кеңештин төрагасы өзүнүн милдеттерин аткарбаган же талаптагыдай аткарбаган учурда, жергиликтүү кеңештин депутаттарынын үчтөн биринин демилгеси боюнча депутаттарынын жалпы санынын үчтөн экиден кем эмесинин добуштары менен ээлеген кызмат ордунан мөөнөтүнөн мурда бошотулушу мүмкүн.»
Нурыйман [9 Сентября 2022]
Саламатсыздарбы ФПСтин жери боюнча №309 токтом не болтат ижарасы буткон жаранар кайра ижара алабы фондун жеринен?
Ответ:
Урматтуу Нурыйман. № 309 Токтом - иштебейле. Бул жылы бул токтом кеч чыгып, жергиликтүү элет каршы болуп - токтом иштеген жок. Эми каршылыкты көргөн өкмөт 75 % пайыз АЖМФ жерди өзүм таратам (райондук агрардык өнүгүү башкармалыгы аркылуу) деди эле, элет жериндеги калктын кыжыры келгенин көрүп 50 % түшүрү аракетин көрүп жатышат. Ошол нерсе ишке ашып калса 50 % жерлерди Айыл өкмөт аукцион аркылуу таратат, 50 % район айыл чарба кооперативдерге болуп беришет. Биздин уюмдун жеке пикиринде, бул туура эмес кадам, район жер маселелерине кийлигишпей, кооперативди иштеткиси келсе, арзан насыя аркылуу дыйкандар бириккиле, мындай жер жемиш отургузгула деп, мотивация аркылуу ишке ашырыш керек. Булар болсо өздөрү жер болүштүрүп чоң болгондон башка, колдорунан эч нерсе келбейт, тилеке каршы.
Кеңеш [8 Сентября 2022]
Мен айылдык маданият үйүнө жетекчи болуп келгем. Менден мурун жетекчи болгон киши аккордеон жана башка жабдыктарды өткөрүп бербей жатат. Акт түзгөнбүз, ал мүлккө ким жооп берет, кимдин мойнунда болот? Кантип акт приемки - передачи уюштуруу керек?
Ответ:
Урматту Кеңеш мырза. Маданият үйүнүн жабдыктары муниципалдык мүлк болот (балким аккордеон - жеке мүлк болгондур, бербей атканына караганда). Муниципалдык мүлккө айыл өкмөт ээлик кылат жана жооп берет. Ошондуктан, сиз айыл өкмөткө кайрылып маданият үйүнүн мүлкүн өткөрүп берүү актысын түзүгө талап коюңуз. Алар бул ишке түздөн түз кызыкдар болушу абзел, анткени бул мүлккө жоопкерчиликти мойнуна алышкан. Айыл өкмөт комиссия түзүп, болгон жабдыктарды инвентаризациялап, актка киргизип сизге өткөрүп бериши керек. Сиз ошол акт боюнча алынган жабдыктарга кана жооп берип каласыз.
аfff [8 Сентября 2022]
Саламатсызбы 1 августан баштап мам.жана муниципалдык кызматкерлердин айлык акысы которулду, бирок которулгону менен вредность за компьютера деген пункт озунун кучун жоготту мурун 26000 сом алсак азыр 19500 сом алып калат экенбиз ушул айлык акы боюнча жогорку органдар органдарга сунуш же талап катары кат жузундо кайрылуу кылса болобу деги эле айыл окмотунун кызматкерлеринин айлык акысын карап чыккан атайын орган барбы? Анткени берилген информациянын негизинде жонокой специалист 30000-35000 сом алынат деген азыр болсо 20000 сомго жетпей калды же окмот эл козунчо эле айтып койгонбу?
Ответ:
Урматтуу afff. Бул суроо менен сиз расмий түрдө Каржы министирлигине кат аркылуу кайрылыңыз. Алар кат жүзүндө жооп беришет, эмнеге ар бир кошумча иштебей калганы жөнүндө. Сиз кат жазып жатканда, так суроолорду койгула, так маалыматты жазгыла. Балким сиздин сурооңуздүн негизинде, бир чоң нерсе табылып калат. Мисалы, билим берүүдө стажга коэффициент бар деп мыйзамга жазышкан, бирок Минфин, аны толөгөн эмес. Тың мугалимдер аны таап чыгып, Минфинди сотко берип, жалпы Кыргызстандын мугалимдери стажга караган каражатты төлөтүп алышкан. Сиз дагы расмий, суроолорду так коюп, Минфинге кат жибергиле. Жооп алганда мага Whatsapp 0554620484 аркылуу алардын жообун салып койгулачы. Элдерге маалымат катары жайылтып коем, а отписка берсе, мына Минфиндин отпискалары деп, алардын атагын чыгарып коем. Айлык алгандан кийин, жөнеле отписка жазбай, жакшынакай жооп даярдап жүрүшсүн.
Талант [4 Сентября 2022]
Кандайсыздар. А/о башчысына Бир айылдын 5депутаты ишенбештик берсе, окмотко кандай чара колдонот башка уч айылда 26 депутат бар
Ответ:
Урматтуу Талант мырза. Сиздин сурооңузду тактоого тийиш. Анткени айыл башчыга чара көргөнү жатасыңарбы, же айыл өкмөт башчыгабы? Айыл башчы бул административдик кызмат, анын ишмердүүлүгүн айыл өкмөт баалап, жумуштан кетире алат. Анткени, ал айыл өкмөт тарабынан калктын макулдугу менен дайындалат. Айыл өкмөт башчы бул саясий кызмат, ага ишенбестик көрсөтүү үчүн (Жергиликтүү мамлекеттик администрация жана жергиликтүү өз алдынча башкаруу органдары жөнүндө мыйзамдын 53-берене, 3-пункт, 9-подпунк) жергиликтүү кеңештин депутаттарынын жалпы санынын 2/3 добушу менен ишенбестик билдирилген учурда, кызматтан бошотууга мыйзам жол берет. АӨ башчысы ээлеген кызматынан аким тарабынан бошотулат.
Үпөл [30 Августа 2022]
Саламатсыздарбы Кыргыз! Республикасынын эгемендүүлүгүнүн 31 жылдыгы менен куттуктаймын. Сиздерге төмөндөгүдөй суроом бар.Айыл өкмөтүнүн жарандарына мал жандыктарын жазып берүүчү тактамасына,кол коюу үчүн жайыт комитетин кошуп жазса мыйзамга туура келеби, себеби жарандар жайыт жерлери үчүн салыктарын төлөбөй мал башына салыктар алууда. Мыйзамга туура келеби ушул боюнча жооп берип койсонуздар. Алдын ала рахмат.
Ответ:
Урматтуу Үпөл айым. Мал жандыктардын саны ар бир айыл өкмөттүн чарба китебине жазылат, ошол жерден тактап справка бересиңер. Жайыт комитети дагы ошол чарба китептен маалымат алып, такташ керек. Жыл сайын инвентаризация кылып, АӨ тактап турат. Справкага жайыт комитетин дагы кошо албайсыңар, аны бюрократизация деп коюшат.
Бактыгуль [12 Августа 2022]
здравствуйте. объясните пожалуйста что такое Представительный орган муниципального образования,
Ответ:
Представительным органом власти являются избранный народом ветвь власти. В муниципалитете (айыльный аймак или город) это местный айыльный кеңеш или городской кеңещ, то есть депутаты местного кеңеша.
Тургун [11 Августа 2022]
Саламатсызбы! Бир айыл аймагына 3 айыл карайт. Кайсы бир ишке токтом чыгараарда 3 айылга өз-өзүнчө токтом, чечим чыгарса болобу?
Ответ:
Урматтуу Тургун, жергиликтүү мамлекеттик администрация жана жергиликтүү өз алдынча башкаруу органдары жөнүндө мыйзамынын 39-беренесинде жергиликтүү кеңештин чечимдери жонундо жазылган:
1. Жергиликтүү кеңештин чечимдери токтом жана буйрук түрүндө чыгарылат, ага - жергиликтүү кеңештин төрагасы, ал эми ал жок болгон учурда жергиликтүү
кеңештин төрагасынын орун басары кол коет.
2. Жергиликтүү кеңештердин ченемдик укуктук актылары токтом түрүндө, ал эми башка актылары - буйрук түрүндө кабыл алынат. Кабыл алынган актылар
тиешелүү аймакта милдеттүү юридикалык күчкө ээ.
Ар бир айылга өз-өзүнчө токтом чыгарбайт.
Сизди терен урматтоо менен Мелис Зарлыкович.
Бакы [9 Августа 2022]
Саламатсызбы? 1 жыл мурун шайланган айыл окмотко депутаттар ишеним корсотпой койсо болобу? Мурунку закон менен шайланып, жаны закон менен кызматтан чакырып алалбайбызбы?
Ответ:
Урматтуу Бакы. Силер кайсы мыйзам менен депутаттарды шайлап алсаңар дагы, кетиребиз десеңер учурдагы мыйзам менен кана кетирүү мыйзамдуу болот.
Жазгуль [8 Августа 2022]
Здравствуйте как разместить у вас на сайте набор на младшую должность Тору-Айгырского айыл окмоту. что нужно сделать
Ответ:
Уважаемая Жазгуль, напишите объявление со всеми требованиями, разместим. Пришлите мне на личную почту karasartovar@gmail.com
